1 Samuele 18:8 - MUKANDA WA MYIDI MUKULU

⁸ Shawule uvua ne tshiji tshikole, mufike munda bua musambu awu. Uvua udiambila munda ne: “Badi batumbisha Davide ne: mmushipe bantu binunu makumi ne makumi, meme bantumbisha anu bua tshinunu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Shaula wakadi ne tshiji tshikole; bualu ebu biuakanyingalasha mutshima wandi. Yeye wakamba ne, Bakutumbisha Davidi bua binunu makumi bia bantu, kadi bakuntumbisha meme anu bua binunu bia bantu. Tshinyi tshikuabo tshidiye mua kuangata, anu bukelenge nansha?

1 Samuele 18:8 ပူးပေါင်းရင်းမြစ်များ

Genese 37:11

Bana babu ne Yozefe kumunwuila lubabu. Kadi tatuende uvua anu uvuluka misangu mivule bilota abi.

Genese 37:8

Bakulu bende kumukonka ne: — Udi musue kushala mukalenga wetu, ututumina diyi anyi? Ke kupitabu kumufikila munda bikole bua tshilota atshi ne bua bivuaye wamba abi.

1 Bakalenga 2:22

Shelomu kukonka mamuende ne: — Akia! Ke wewe udi ukimina kulombela Adoniya bua angate Abishayi, muena Shuneme! Nanku, umulombele kabidi ne bukalenga, bualu mmukuluanyi! Eyowa, umulombele bukalenga. Bantu badi baditua ku tshiende, mutuangaji Abiyatare ne Yowabe, mfumu mulombodi wa bena mvita, nebasanke bikole!

Estere 3:5

Amane mumane kujadika muvua Mordekayi mubengelemu bua kumutuila binu ne kuinyika mutu kumpala kuende, kufikaye munda bikole.

Nsumuinu 13:10

Diditambisha didi dikeba matandu. Muntu udi uteleja mibelu udi ne meji.

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Dibadika 11:1

Dituku dikuabu bena Izrayele bavua bajana Maweja-Nangila bikole. Maweja-Nangila umvua nanku, kufikaye munda. Kapia ka Maweja-Nangila kutema munkatshi muabu, kuosha tshitupa tshia mitanda.

Dibadika 22:34

Balaame kuandamuna mutumibue ne: — Ndi muenze tshilema. Tshivua mumanye ne: wewe ke uvua muimane mu njila kumpala kuanyi. Kadi bu mudi luendu alu kaluyi lukusankisha, ndi mua kupingana kuanyi.

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”

1 Samuele 13:14

Kadi mpindiewu, kuakushala mu bukalenga matuku a bungi to. Maweja-Nangila mmumane kusungula muntu mukuabu udiye musue bua kuikala mukalenga wa bantu bende bena Izrayele. Bualu wewe kuena mutumikile meyi a Maweja-Nangila to.

1 Samuele 15:28

Ke Shawule kushala ne tshipesa ku bianza. Samuwele kuambila Shawule ne: — Ke mudi Maweja-Nangila upanda bukalenga bua bena Izrayele, ukunyengabu lelu, bua kubupesha muntu mukuabu wa nsongu mukupite wewe.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 18:9

Tshidi tshishale mpindiewu, mbua kupabu Davide bukalenga ebu!” Biangatshile diba adi, Shawule uvua utangila Davide ne muoyi mubi.

1 Samuele 19:1

Shawule kumanyisha muanende Yonatane, ne balombodi bonsu ba bukalenga buende meji avuaye muele bua kushipa Davide. Kadi bu muvua Yonatane munange Davide bikole,

1 Samuele 20:31

Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.