1 Samuele 18:4 - MUKANDA WA MYIDI MUKULU

⁴ Yonatane kuvula tshinkutu tshivuaye muvuale, kutshipesha Davide. Kumupeshaye kabidi bilamba biende bia mvita, muela wa mvita, buta bua miketa, ne mukaba uvuaye muvuale.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yonatana wakavula tshilulu tshiandi tshiakadiye muluate, wakatshiha Davidi; wakamuha muele wandi wa nvita ne buta buandi ne mukaba wandi kabidi.

1 Samuele 18:4 ပူးပေါင်းရင်းမြစ်များ

Genese 41:42

Ke mukalenga kukopola kakanu kende ka bukalenga, kukela Yozefe ku munu. Ku-muvuadikaye ne tshilamba tshinefuke tshia ndanda. Kumuelaye bilengejilu bia mpawungi mu nshingu.

2 Samuele 1:22

Nansha baluishi babu bakeba mua kubashipa, nansha bena lukuna babu ne bukole, buta bua miketa bua Yonatane kabuvua butshina, muela wa Shawule uvua ukumbaja mudimu wawu kashidi.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yezekiyele 23:15

Batua babavuadike mikaba mu tshimonu ne bitambala bile ku mitu yabu. Bavua bamueneke bu bilobu bia mvita. Bimfuanyi abi bitua bileja bimpe bena Babilone, mushindu udibu basombe mu ditunga diabu.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

1 Samuele 17:38

Shawule kusombesha Davide bilamba biende bia mvita: kumuashishaye tshifulu tshiende tshia tshiamu tshikunze ku mutu, kumueleshaye kazaku kende ka tshiamu.

1 Samuele 18:5

Misangu yonsu, ivua Shawule utuma Davide mu mvita, Davide uvua amu utshimuna. Ke muvua Shawule mumuteke mfumu, mulombodi wa bena mvita bende. Bena mvita bonsu, ne balombodi ba bena mvita ba mukalenga Shawule kusanka bikole bua bualu ebu.