1 Samuele 18:27 - MUKANDA WA MYIDI MUKULU

²⁷ Davide ne bena mvita bavuaye nabu kuya mu mvita, kushipa bena Peleshete nkama ibidi. Davide kuangata makoba a misosu yabu, kuya nawu kua Shawule bua baabale bungi buawu, bua kushalaye muku wende. Ke Shawule kupesha Davide muanende wa bakaji Mikale, bua ikale mukajende.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Davidi wakajuka ne bantu bandi, bakashiha Bena Peleshete nkama ibidi; Davidi wakalua ne tukoba, wakafila buonso buatu kudi mukelenge bua kuikaleye muku wa mukelenge. Shaula wakamuha Mikala, muanʼandi wa bakashi, bu mukashi wandi.

1 Samuele 18:27 ပူးပေါင်းရင်းမြစ်များ

2 Samuele 3:13

Davide kuitaba ne: “Eyowa, ndi muanyishe bua kutua nebe ndondu. Kadi ndi nkulomba anu tshintu tshimue: bua meme kumonangana nebe, ufike ne mukajanyi Mikale, muana wa Shawule. Anu wewe mufike nende, nanku netuyukile nebe.”

2 Samuele 3:14

Ke Davide kutuma bantu kudi Ishebaale, muana wa Shawule, bua kumuambila ne: “Umpingajile mukajanyi Mikale, umvua musele ku makoba lukama a misosu ya bena Peleshete.”

Balombodi 14:19

Pashishe, Mueyelu wa Maweja-Nangila kutulukila Shimeshone. Kuyaye ku Askalone. Kushipaye bantu balume makumi asatu. Kuangataye bilamba biabu, kubipesha bansongalume bavua bandamuna muanu. Ke Shimeshone kupingana kudi tatuende ne tshiji tshikole.

1 Samuele 14:49

Shawule uvua ne bana ba balume basatu: Yonatane, Ishevi ne Malkishuwa. Uvua kabidi ne bana ba bakaji babidi: wa kumpala uvua Merabe, muakunyi uvua Mikale.

1 Samuele 18:13

Ke Shawule kumusha Davide pabuipi nende. Kumutekaye mfumu wa tshisumbu tshia bena mvita bende. Biangatshile diba adi, Davide uvua anu mu mvita, ulombola bena mvita.

1 Samuele 18:17

Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.

1 Samuele 18:28

Shawule mumane kujadika ne: Maweja-Nangila udi ne Davide bulelela, kabidi Mikale muananyi wa bakaji, mmunange Davide bikole,

1 Samuele 25:44

Mukaji wa kumpala wa Davide uvua Mikale, muana wa Shawule. Kadi tatuende Shawule uvua mumane kumuselesha, kudi Palti, muana wa Layishe, muena Ngalime.