1 Samuele 18:17 - MUKANDA WA MYIDI MUKULU

¹⁷ Shawule kudiambila munda ne: “Meme tshiena musue kushipa Davide to. Bena Peleshete nebamushipe.” Nanku, Shawule kuambila Davide ne: — Merabe, muananyi wa bakaji muanabute, nyeye ewu. Pawikala mungenzela mudimu ne dikima, pawikala muluangana mvita mu dina dia Maweja-Nangila, ndi nkupesha muananyi ewu bua ikale mukajebe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Shaula wakambila Davidi ne, Mona, muanʼanyi muanʼa bute wa bakashi, Melaba, nenkuheye bua ikale mukashi webe; kadi wewe wikale ne dikima dia kuluila Yehowa nvita yandi. Bualu bua Shaula wakamba ne, Tshiena musue kumulenga tshianza, kadi Bena Peleshete bamulenge bianza.

1 Samuele 18:17 ပူးပေါင်းရင်းမြစ်များ

2 Samuele 11:15

Mu mukanda awu, Davide uvua mufunde ne: “Uteke Uriya anu mulongu wa kumpala, muaba udi mvita mikole. Pashishe numuke, numushiye nkayende bua bamuase kudi baluishi, bamushipe.”

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

Misambu 12:2

Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

Misambu 55:21

Mulunda mubi udi uluisha balunda bende, upula ndondu uvuaye mutue nabu.

Nsumuinu 26:24

Muena lukinu udi wakula bualu buimpe usokoka muoyi wende mubi. Munda muende udi ukeba amu kudinga bantu.

Nsumuinu 26:25

Nansha yeye muakule ne diyi dimpe, kumuitabi to. Bualu udi ne malu a kadiwu munda tente.

Nsumuinu 26:26

Udi ne budimu bua kusokoka lukinu luende. Kadi bantu bonsu nebajingulule bubi buende.

Dibadika 21:14

Ke padibu bafunde mu Mukanda wa mvita wa Maweja-Nangila ne: “…Vahebe mu Sufa, ne misapa yende, Amone

Dibadika 32:20

Moshe kubambila ne: — Mbimpe, angatayi bia mvita, nuye kuluangana mu dina dia Maweja-Nangila, munudi bamane kulaya.

Dibadika 32:27

Kadi tuetu, netuambule bia mvita, tuye mu mvita. Maweja-Nangila neatuambuluishe, bu muudi utuambila emu.

Dibadika 32:29

Kubambilaye ne: — Pikala bena Rubene ne bena Ngade, basabuke nenu musulu wa Yardene bua kuluangana mvita, bu mudi Maweja-Nangila muambe, banuambuluishe bua nukuate ditunga dia Kenaane, nanku nubapeshe ditunga dia Ngilaade, dikale diabu.

Dielulula 17:7

Bajadiki ba bualu abu ke badi badianjila kumuasa mabue. Pashishe bantu bakuabu nebabambuluishe bua kumushipa. Ke munudi ne bua kumusha bubi munkatshi muenu.

1 Samuele 14:49

Shawule uvua ne bana ba balume basatu: Yonatane, Ishevi ne Malkishuwa. Uvua kabidi ne bana ba bakaji babidi: wa kumpala uvua Merabe, muakunyi uvua Mikale.

1 Samuele 17:25

Kuambilanganabu ne: “Udi mumone muntu ewu! Udi wenza bionsu ebi amu bua kutubunda. Kadi muntu wikale mumutshimune, mumushipe, mukalenga neamunemeshe ne bubanji bua bungi. Neamupe muanende wa bakaji, bua kuikalaye mukajende. Kabidi mu bena Izrayele, mu bena diku dia muntu awu, kabakuikala ne tshilumbu tshia kulambula tshitadi to.”

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.

1 Samuele 17:47

Bena Izrayele bonsu nebajadike ne: Maweja-Nangila bua kutshimunaye, kena ukengela muela, nansha musongolu to. Udi mfumu wa mvita eyi. Neanufile nuenu bena Peleshete mu bianza bietu.

1 Samuele 18:21

Uvua udiambila munda ne: “Ndi musue kufila Mikale kudi Davide bua ikale mukajende. Nanku, Mikale neikale bu buteyi kudi Davide, bua kumushipabu kudi bena Peleshete.” (Nanku misangu ibidi, Shawule uvua anu wambila Davide bua ikale muku wende.)

1 Samuele 18:25

Ke Shawule kubatuma ne: — Ambilayi Davide ne: “Mukalenga Shawule kena ukulomba lupetu lua tshibidilu bua dibaka edi to. Kadi, udi ukulomba anu makoba lukama a misosu ya bena Peleshete, bua kusombuelaye baluishi bende.” Shawule uvua wela meji ne: ke mudibu mua kushipa Davide kudi bena Peleshete.

1 Samuele 18:27

Davide ne bena mvita bavuaye nabu kuya mu mvita, kushipa bena Peleshete nkama ibidi. Davide kuangata makoba a misosu yabu, kuya nawu kua Shawule bua baabale bungi buawu, bua kushalaye muku wende. Ke Shawule kupesha Davide muanende wa bakaji Mikale, bua ikale mukajende.

1 Samuele 25:28

Bu wewe musue, umfuileku luse. Bualu meme Abiyayile ndi nkujadikila ne: Maweja-Nangila neafile bukalenga mu nzubu muebe kashidi. Bualu wewe udi uluangana mvita mu dina dia Maweja-Nangila. Kabidi kabena mua kukubanda ne bualu bubi nansha bumue, matuku onsu audi ne muoyi.

1 Samuele 30:26

Davide upingana mu tshimenga tshia Siklaje, kutuminaye balunda bende, ne bakulu ba bena Yuda, bintu bia mu mvita. Kubambilaye ne: “Angatayi bintu bia disanka abi, mbitudi banyenga baluishi ba Maweja-Nangila.”