1 Samuele 18:11 - MUKANDA WA MYIDI MUKULU

¹¹ Diakamue Shawule kufuna ne difuma, udiambila ne: “Ndi mbambila Davide ku tshimana eku.” Shawule kuela difuma misangu ibidi, Davide kupanduka.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Shaula wakela difuma diandi; bualu bua wakamba ne, Neushihe Davidi, difuma dimusompoke dikuate ku tshimanu tshia nsubu. Kadi Davidi wakahanduka ku mesu kuandi misangu ibidi.

1 Samuele 18:11 ပူးပေါင်းရင်းမြစ်များ

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Luke 4:30

Kadi Yezu kupitshila munkatshi muabu, kuya.

Yowanane 10:39

Bavua bakeba kabidi kumukuata, kadi yeye kongoloka.

Yowanane 8:59

Kuambulabu mabue bua kumuasa. Kadi Yezu kusokoma, kupatuka mu nzubu wa Mvidi Mukulu.

Ebrewu 11:34

kujimabu tupia tukole, kupandukabu ku muele wa mvita. Batua kabayi dikanda kupetabu bukole. Bavua bilobu bia mvita. Kutshimunabu bikulu bia bantu ba bisamba bikuabu.

1 Samuele 20:33

Shawule kuela difuma bua kuasa Yonatane. Nanku, Yonatane kumanya ne: tatuende Shawule mmupangidike bulelela bua kushipa Davide.