1 Samuele 18:10 - MUKANDA WA MYIDI MUKULU

¹⁰ Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakatshiabu nyuma mubi mulume kudi Nzambi wakatulukila Shaula bikole, yeye wakalubakana mu nsubu muandi; Davidi watamba tshisanji ne tshianza tshiandi bu muakadiye wenza ku dituku ku dituku. Shaula wakadi ne difuma mu tshianza tshiandi.

1 Samuele 18:10 ပူးပေါင်းရင်းမြစ်များ

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

1 Bakalenga 22:12

Bambi bakuabu bonsu kujadika meyi awu, bamba ne: — Mukalenga, uye kuluisha tshimenga tshia Ramote tshidi mu ditunga dia Ngilaade. Neutshimune. Maweja-Nangila neafile tshimenga atshi mu bianza biebe.

Yirmeya 28:11

Pashishe kuambilaye bantu bonsu bavua muaba awu ne: — Maweja-Nangila udi wamba ne: “Nkushale amu bidimu bibidi bua meme kutshibula amu mushindu ewu mutshi wa bupika udi mukalenga Nebukadnesare, mukalenga wa mu Babilone muteke pa makaya a bena bisamba bionsu.” Ke muambi Yirmeya kumuka muaba awu, kuya muaba mukuabu.

Bienzedi 16:16

Dituku dikuabu tuvua tuya muaba uvua bantu batendelela. Tuetu kusambakena ne mukaji mupika, muikale ne mukishi mubi uvua umusaka bua kuambila bantu malu adi ne bua kuenzeka. Uvua upetesha bamfumu bende lupetu lua bungi ku mudimu awu.

2 Tesalonike 2:11

Ke padi Mvidi Mukulu utshipaja mioyi yabu, bua bitabe malu a dishima.

Balombodi 16:20

Ke Dalila kuela diyi, wamba ne: — Shimeshone, bena Peleshete badi apa bua kukuluisha! Shimeshone utabuluka, kuelaye meji ne: nengikale ne bukole, nendipandishe bu mumvua ngenza. Bualu kavua mumanye muvua Maweja-Nangila kayi mua kumuambuluisha kabidi to.

1 Samuele 16:23

Biangatshile musangu awu, pavua mukishi mubi, mutuma kudi Maweja-Nangila, utulukila Shawule, Davide uvua wambula lunkombe, umuimbila. Nanku Shawule uvua umvua bimpe, upeta dikisha, mukishi mubi umuka.

1 Samuele 18:9

Tshidi tshishale mpindiewu, mbua kupabu Davide bukalenga ebu!” Biangatshile diba adi, Shawule uvua utangila Davide ne muoyi mubi.

1 Samuele 19:10

mutantshi mukese, Shawule kuela Davide difuma, bua kumubambakaja ku tshimana. Kadi, difuma kupanga Davide, kukuata mu tshimana. Davide kunyema muikala amu katakata. Butuku abu,

1 Samuele 19:7

Ke Yonatane kuya kukeba Davide. Kumuambilaye bionsu bivuabu bayukila abi, kuyaye ne Davide kudi Shawule. Davide kutuadija kabidi mudimu pabuipi ne Shawule, bu muvuaye wenza pa tshibidilu.

1 Samuele 19:9

Dituku dikuabu, mukishi mubi mutuma kudi Maweja-Nangila, kutulukila Shawule, pawaye mu nzubu muende ne difuma mu tshianza. Pavua Davide wimbila Shawule lunkombe,

1 Samuele 26:19

Pikala Maweja-Nangila musue bua wewe kungenzela bibi, nanku Maweja-Nangila itaba mulambu bua kujikija tshiji tshiende. Kadi, pikalabu bakuenzeja bionsu ebi kudi bantu, Maweja-Nangila abatshipe. Bualu lelu badi bangipata, bua tshisombi mu ditunga didi Maweja-Nangila mupeshe bantu bende, bidi bu mudi muntu ungamba ne: “Uye kutendelela mvidie mikuabu.”