1 Samuele 17:7 - MUKANDA WA MYIDI MUKULU

⁷ Uvua kabidi ne musongolu wa mutshi, uvua bunene bu bua mutshi wa kukuma nawu madiba, muikale ne lusongu lua tshiamu, lua bujitu bua kilo muanda mutekete ne pa mutu. Muena mudimu wa Ngoliyate uvua wenda kumpala kuende, mumuambuila ngabu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mutondo wa difuma wakadi bu mbungu wa mukumi wa bilulu; lusongo lua difuma luakadi ne bujitu bua nshekele ya tshiamu tshifike nkama isambombo; mutuadi wa ngabu wandi wakaya ku mpala kuandi.

1 Samuele 17:7 ပူးပေါင်းရင်းမြစ်များ

2 Samuele 21:16

Ishebi-Benobe, muntu wa mpolondu wa ku ndelanganyi ya Arafa, uvua musue kushipa Davide. Uvua muvuale bia mvita bipiabipia. Lusongu lua difuma diende luvua lua tshiamu tshikunze, luvua ne bujitu bua kilo isatu ne pa mutu.

2 Samuele 21:19

Mu mvita mikuabu ivuabu baluisha bena Peleshete, ku Ngobe kabidi, Elanane, muana wa Yari, wa mu musoku wa Betleyeme, kushipa Ngoliyate, wa mu tshimenga tshia Ngate. Mutshi wa musongolu uvua nawu Ngoliyate uvua munene bu wa kukuma nawu madiba.

1 Kulondolola 11:23

Benaya kabidi uvua mushipe muena Ejipitu, muntu mule wa kafiondu, muntu wa metre abidi ne tshitupa, uvua ne musongolu munene mufuanangane ne mubambu wa kukuma nawu madiba. Benaya uvua ne mutshi wa patupu. Kubundaye muntu awu mvita, kumunyengaye musongolu wende, kumushipa nawu.

1 Kulondolola 20:5

Mu mvita mikuabu ivuabu baluisha bena Peleshete, Elanane, muana wa Yayire, kushipa Lami, muanabu ne Ngoliyate wamu tshimenga tshia Ngate. Mutshi wa musongolu uvua nawu Lami uvua munene bu mubambu wa kukuma nawu madiba.

1 Samuele 17:41

Ngoliyate ne muntu uvua kumpala kuende mumuambuile ngabu, bavua benda basemena pabuipi ne Davide.