1 Samuele 17:52 - MUKANDA WA MYIDI MUKULU

⁵² Bena mvita ba bena Izrayele ne ba bena Yuda kuela mbila ya mvita, kulondakaja bena Peleshete too ne mu mushiku wa tshimenga tshia Ngate, ne tshia Ekrone. Bitalu bia bena Peleshete bivua bitangalake panshi mu njila wa ku Sharayime, too ne ku tshimenga tshia Ngate ne tshia Ekrone.

Mukanda wa Nzambi Dihungila Dikulukulu ne Dihungila Dihia-dihia 2003

⁵² Bena Isalele ne Bena Yuda bakajuka, bakela mbila, bakihata Bena Peleshete tô ne ku Gata ne ku bibi bia Ekelona. Nunku batahike ba Bena Peleshete bakahona mu nshila wa ku Shâlayima tô ne ku Gata ne ku Ekelona.

1 Samuele 17:52 ပူးပေါင်းရင်းမြစ်များ

2 Samuele 23:10

Elazare kujuka, kushipa bena Peleshete too ne pavua tshianza tshiende tshishikile, tshibengela amu ku tshilabi tshia muela. Dituku adi, Maweja-Nangila kuambuluisha bena Izrayele, kutshimunabu. Bena mvita bavua bapingana muaba uvua Elazare, anu bua kupawula bintu bia bantu bafue mu mvita.

1 Bakalenga 20:21

Ke muvua mukalenga wa bena Izrayele muluishe Benadade. Uvua mubutule nyama ya tubalu yonsu, munyangakaje matempu a mvita onsu, mushipe bena mvita ba bena Siriya bapite bungi.

Yoshua 15:11

Uvua utungunuka, uya ku luseke lua kumutu lua tshimenga tshia Ebrone, ubenda mutangile ku Shikarone, utungunuka, upitshila ku mukuna wa Baala, uya ku Yabne, pashishe utua makasa ku Mayi manene a pankatshi pa matunga, wimana.

Balombodi 7:23

Kubikilabu bena Izrayele ba mu tshisamba tshia Naftali, tshia Ashere, ne tshia Menashe bonsu, bua balondakaje bena Madiyane.

1 Samuele 17:53

Bena Izrayele kulekela kulondakaja bena Peleshete. Kupinganabu bua kupawula bintu bivua mu mitanda ya bena Peleshete.

1 Samuele 5:10

Nanku kuyabu ne mushete mu tshimenga tshia Ekrone. Kadi mushete ufika mu tshimenga tshia Ekrone, bena mu tshimenga baumone, kuelabu bibingu bikole, bamba ne: — Mbafike ne mushete wa Mvidi Mukulu wa bena Izrayele muetu munemu bua kutubutula bonsu!

1 Samuele 5:8

Bena Asdode, kubikidisha bamfumu batanu ba bena Peleshete, kubakonka ne: — Mushete wa tshijila wa Mvidi Mukulu wa bena Izrayele tuenze nawu tshinyi? Bamfumu kuandamuna ne: — Wambulayi, nuye nawu mu tshimenga tshia Ngate. Nanku kuyabu ne mushete awu mu tshimenga tshia Ngate.