1 Samuele 17:45 - MUKANDA WA MYIDI MUKULU

⁴⁵ Davide kuandamuna ne: — Wewe udi ulua kundi ne muela, musongolu ne difuma. Kadi meme ndi nkuluisha mu dina dia Maweja-Nangila Mvidi Mukulu wa biluilu bia bena Izrayele, uudi upenda.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ Hashishe Davidi wakambila Muena Peleshete ne, Wewe udi ulua kundi ne muele wa nvita ne difuma ne difuma dia kabenda, kadi meme ndualua kudi mu dina dia Yehowa, Nzambi wa bena nvita ba Bena Isalele uwakafunyina bulobo ku mpala kuandi.

1 Samuele 17:45 ပူးပေါင်းရင်းမြစ်များ

2 Kulondolola 14:10

Asa kulomba diambuluisha kudi Maweja-Nangila Mvidi Mukulu wende, wamba ne: — Maweja-Nangila kabiena mua kukukolela mua kuambuluisha bantu badi kabayi ne bukole, pa mutu pa kuambuluisha badi ne bukole. Maweja-Nangila Mvidi Mukulu wetu, utuambuluishe, bualu tudi tutekemena kuudi. Mu dina diebe ke mutudi basemene apa bua kuluisha bena mvita aba. Wewe udi Maweja-Nangila Mvidi Mukulu, kuanyishi bua muntu akutshimmune.

2 Kulondolola 32:8

Yeye udi ne bantu badi bamuambuluisha bua kuluangana. Kadi tuetu tudi ne Maweja-Nangila Mvidi Mukulu wetu, udi utuambuluisha, utuluila mvita. Mukalenga Izkiya wamba miaku ayi, bantu bonsu ba mu tshimenga kupeta dikima.

Misambu 124:8

Maweja-Nangila udi mufuke diulu ne buloba, yeye nkayende ke udi utuambuluisha.

Misambu 18:2

Maweja-Nangila, ndi mukunange, Wewe udi bukole buanyi.

Misambu 20:8

Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!

Misambu 3:8

Maweja-Nangila, juka, Mvidi Mukulu wanyi, unsungidile. Wewe ke udi ututa baluishi banyi ku mbanga, upola menu a bantu babi.

Misambu 44:6

Ku bukole buebe, netuipate baluishi betu. Mu dina diebe netubaboze.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 37:28

“Ndi mumanye malu ebe onsu, ndi mumanye paudi ujuuka, nansha paudi usomba, paudi upatuka, nansha paudi ubuela, ne paudi umfunyina meme.

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

1 Samuele 17:10

Lelu ndi mbunda bena mvita ba bena Izrayele, ndi musue kumona bukole buabu. Ntuminayi muntu bua tuluangane nende.

1 Samuele 17:26

Davide kukonka bena mvita bavua pabuipi nende ne: — Muntu wikale mushipe muena Peleshete ewu bua kusombuela bipendu bidiye upenda bena Izrayele, nebamufute tshinyi? Muena Peleshete ewu, udibu kabayi bateka panshi, upenda bena mvita ba Mvidi Mukulu wa muoyi nnganyi mene?

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.