1 Samuele 17:4 - MUKANDA WA MYIDI MUKULU

⁴ Muena mvita mukuabu wa bena Peleshete kupatuka mu mulongu bua kufuna bulobu. Uvua wa mu tshimenga tshia Ngate, dina diende Ngoliyate. Uvua bule bu bua metre isatu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Tshilobo tshiakaluhuka mu tshitudilu tshia Bena Peleshete, dina diatshi Goleyata wa mu Gata, bule buandi buakadi coudées isambombo ne ntanta wa tshianza.

1 Samuele 17:4 ပူးပေါင်းရင်းမြစ်များ

1 Kulondolola 11:23

Benaya kabidi uvua mushipe muena Ejipitu, muntu mule wa kafiondu, muntu wa metre abidi ne tshitupa, uvua ne musongolu munene mufuanangane ne mubambu wa kukuma nawu madiba. Benaya uvua ne mutshi wa patupu. Kubundaye muntu awu mvita, kumunyengaye musongolu wende, kumushipa nawu.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.

Dielulula 3:11

(Ku ndelanganyi ya bena Refayime bonsu, Oge, mukalenga wa Bashane, ke wa ndekelu udi mushale ne muoyi. Lukita luende bavua baluenze mu dibue. Batshidi mua kulumona mu Raba, tshimenga tshinene tshia bena Amone. Ludi ne bule bua metre anayi ne tshitupa, butshiama bua metre abidi.)

Yoshua 11:22

Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

1 Samuele 17:23

Kadi patshivua Davide uyukila ne bana babu, Ngoliyate muena Peleshete wa mu Ngate, kupita kumpala kua bena mvita babu, ufuna, ukana, bu muvuaye wenzenza misangu yonsu. Davide kumvua bionsu abi.

1 Samuele 17:3

Nanku bena Peleshete ne bena Izrayele bavua bimane pa mikuna ibidi mitangilangane, tshibandabanda pankatshi.

1 Samuele 17:5

Uvua muase tshifulu tshia tshiamu tshikunze ku mutu, muele bitata bia tshiamu tshikunze ku mikolu. Uvua muvuale kazaku ka tshiamu, kikale ne bujitu bua kilo makumi asambombu. Kuelaye difuma dia tshiamu tshikunze ku mukaba uvuaye muela ku diapa.

1 Samuele 27:4

Shawule umvua lumune: Davide mmunyemene ku Ngate, kulekelaye kumukeba.