1 Samuele 17:37 - MUKANDA WA MYIDI MUKULU

³⁷ Maweja-Nangila uvua mumpandishe ku nzadi ya nyama ya ntambue, ne ya nkashama, neampandishe kabidi ku bianza bia muena Peleshete ewu. Shawule kumuambila ne: — Ndaku, Maweja-Nangila ikale nebe.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Davidi wakamba ne, Yehowa, nguakansungila ku dikama dia nyama wa ntambue ne dia nkashama, neansungile mu tshianza tshia Muena Peleshete eu. Shaula wakambila Davidi ne, Ya biebe, Yehowa ikale nʼebe.

1 Samuele 17:37 ပူးပေါင်းရင်းမြစ်များ

2 Samuele 10:12

Nanku kolesha muoyi, tuluangane mvita eyi ne dikima, bua tusungidile bana betu bena Izrayele, ne bimenga bia Mvidi Mukulu wetu. Maweja-Nangila enza mudiye musue.

1 Kulondolola 22:11

Nanku, muananyi, Maweja-Nangila Mvidi Mukulu webe, ikale nebe, bua umone mua kumuashila nzubu, bu muvuaye mulaye bualu buebe.

1 Kulondolola 22:16

Udi ne mpawungi mipite bungi, biamu bitoke bia mushinga mukole, biamu bikunze ne bifike. Nenku mbimpe utuadije mudimu. Maweja-Nangila neikale nebe.

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Misambu 118:6

Maweja-Nangila udi nanyi, tshiena ntshina tshintu. Bantu nebangenze tshinyi?

Misambu 138:3

Pamvua mukubikile, uvua munteleje; wewe kumpetesha muoyi mukole ne dikanda.

Misambu 63:7

Nansha mu bulalu, ndi nkuvuluka. Butuku bujima ndi ngela meji kuudi.

Misambu 77:11

Ndi ngamba ne: “Bualu budi buntonda budi bua Mvidi Mukulu wa bukole buonsu, kena kabidi netu bualu.”

Danyele 3:17

Kadi umanye ne: Mvidi Mukulu wetu, Mvidi Mukulu utudi tukuatshila mudimu, udi mua kutusungidila. Eyowa, udi ne bukole bua kumpatula mu tshikutu tshia kapia, kutunyenga mu bianza biebe.

Yoshua 1:17

Netutumikile diyi diebe menemene, bu mutuvua tutumikila dia Moshe. Maweja-Nangila Mvidi Mukulu webe neikale nebe bulelela, bu muvuaye ne Moshe.

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.

1 Samuele 17:38

Shawule kusombesha Davide bilamba biende bia mvita: kumuashishaye tshifulu tshiende tshia tshiamu tshikunze ku mutu, kumueleshaye kazaku kende ka tshiamu.

1 Samuele 20:13

Kadi, pikalaye musue kukuenzela bibi, pangikala tshiyi mukumanyishe, Maweja-Nangila annyoke ne dinyoka dikole. Diba adi nenganyishe bua wewe kuya. Neuye bimpe kabayi bakuatshisha to. Ndi njinga ne: Maweja-Nangila ikale nebe muvuaye ne tatu wanyi Shawule.

1 Samuele 24:19

Lelu, wandeji ne: kuena nanyi ne bualu. Maweja-Nangila uvua mmufile mu bianza biebe, kadi kuena munshipe to.

1 Samuele 26:25

Ke Shawule kuambila Davide ne: — Muananyi Davide, Maweja-Nangila akuela lupemba. Newenze malu manene. Bulelela newikale muena diakalenga. Shawule kupingana kuende. Davide kupingana pende kuvua bantu bende.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”