1 Samuele 17:34 - MUKANDA WA MYIDI MUKULU

³⁴ Davide kuambila kabidi Shawule ne: — Mukalenga pandi ndama mikoku ya tatu, padi nyama wa ntambue nansha wa nkashama, ufikabuakukuatamukoku,

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Davidi wakambila Shaula ne, Muntu webe wakadi ulama mikoko ya tatu wandi: ne hakaha nansha nyama wa ntambue nansha nkashama bua kukuata muana wa mukoko,

1 Samuele 17:34 ပူးပေါင်းရင်းမြစ်များ

Genese 31:39

Tshimuna tshiebe tshionsu tshivuabu bashipe kudi nyama ya lonji, tshivua nkutuadilatshi to. Mvua mukufute tshikuabu. Tshimuna tshiebe tshivuabu bibe butuku nansha munda munya, uvua utshimfutshisha.

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

2 Samuele 23:20

Benaya, muena Kabseyele, muana wa Yoyada, ne muikulu wa muena mvita wa bukitu, uvua muenze malu manene a bungi. Benaya uvua mushipe ba Ariyele babidi ba bena Mowabe. Dituku dikuabu tshikondu tshia mvula wa neje, Benaya kupueka mu tshiina tshia mayi bua kushipa nyama wa ntambue.

1 Kulondolola 11:22

Benaya wa mu tshimenga tshia Kabseyele, muana wa Yoyada, ne muikulu wa muena mvita wa bukitu, uvua muleje bukitu buende misangu ya bungi. Benaya ke uvua mushipe ba Ariyele babidi ba bena Mowabe. Dituku dikuabu, tshikondu tshivua mvula wa neje uloka, Benaya kubuela mu tshiina tshia mayi, bua kushipa nyama wa ntambue uvua mu tshiina amu.

Misambu 143:5

Ndi mvuluka matuku akadi mamane kupita, ngela meji a bionsu biudi muenze, nganyina mudimu webe.

Yezekiyele 34:12

Nenyisangishe muaba umue amu bu mudi mulami wenza padi mikoku yende mitangalake. Nennye kukeba mikoku yanyi miaba yonsu ivuayi numuangalake dituku dia tshipepele tshikole.

Amosa 3:12

Maweja-Nangila udi wamba ne: Padi nyama wa ntambue mukuate mukoku, mulami wawu udi mua kudipula amu mifuba ibidi, nansha katupa ka ditshi. Ke bidi ne bua kuenzekela bena Izrayele badi basomba mu Samariya, banangidila mu nkuasa milengeja bimpe, ne mu misamu ya bulalu: nebasungile amu “katupa” ka kudibu.

Zekâya 11:16

Bualu ndi musue kutuma mulami mukuabu wa mikoku mu ditunga: kakutangila mikoku idibu bakeba kushipa, kakukeba idi mijimine, kakuondapa idibu batape, kakudisha itshidi mishale ne bukole. Kadi neadie munyinyi wa idi ne manyi; neayiboze bikonu, bua kayinyemi.

Zekâya 9:7

Nempatule mukana muabu, minyinyi kayiyi mipatule mashi, nansha minyinyi buabu balambule mvidie. Bena Peleshete badi bashale ne muoyi, nebikale bantu banyi, anu bu bena diku kampanda mu tshisamba tshia Yuda. Bena Ekrone nebadisangishe ne bantu banyi, muvua bena Yebusa benza kale.

Luke 2:8

Mu buloba abu muvua balami ba mikoku, batshisha butuku mu mpata bua kulama mikoku yabu.

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Rome 5:4

lutulu ludi lupetesha muoyi mukole mu mateta, muoyi mukole udi upetesha ditekemena.

Ebrewu 11:33

Bua ditaba diabu, kukuatabu matunga, kuenzabu malu makane, kupetabu tshivua Mvidi Mukulu mulaye. Kubuikilabu mukana mua ntambue,

Didimanyisha 13:2

Nyama umvua mumone uvua bu nkashama, mikolu yende bu ya nyama wa urse, ne mukana muende bu mua ntambue. Nyoka wa tshidika uvua mumupeshe bukole buende, nkuasa wende wa bukalenga, ne bumfumu buende bunene.

Balombodi 14:6

Mueyelu wa Maweja-Nangila kutulukila Shimeshone. Awu uvua anu bianza bitupu. Kadi kupandaye muana wa ntambue awu bipese, amu bu udi upanda kana ka mbuji. Kadi Shimeshone kena muambile baledi bende bionsu bivuaye muenze abi to.

1 Samuele 17:15

uvua uya kuenzela Shawule mudimu, kadi uvua upingana misangu mivule ku Betleyeme bua kulama mikoku ya tatuende.

1 Samuele 17:33

Shawule kuandamuna ne: — Nansha, kuena mua kuluangana nende to. Utshidi muana mukese. Ngoliyate mmuluanangane mvita kutuadija ku buana buende.

1 Samuele 17:35

ndi ndondakaja nyama awu, mmutuuta, mmunyenga mukoku mukana. Padi nyama awu unduisha, ndi mmukuata mu nshingu, mmushipa.