1 Samuele 17:28 - MUKANDA WA MYIDI MUKULU

²⁸ Kadi, Eliyabe muanabute, mukulu wa Davide, kumvua muvua Davide wakula ne bena mvita, kufikaye munda, ukonka Davide ne: — Udi mufike kuneku bua tshinyi? Mikoku yebe ayi udi mushile nganyi mu thipela? Ndi mukumanye bimpe. Udi kana ka tshianana, kena lutambishi. Uvua mufike kuneku amu bua kumona mvita!

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Eliaba mukuluʼandi wakunyua hakambileye bantu nunku, Eliaba wakakuatshila Davidi tshiji, wakamba ne, Wewe wakuluila kunoko tshinyi? Wakashiya mikoko ai mikese mu tshihela kudi nganyi? Ndi mumanye kudisua kuebe ne kudibandisha kua mutshima webe: wewe wakuluila anu bualu bua kutangila mata.

1 Samuele 17:28 ပူးပေါင်းရင်းမြစ်များ

Genese 37:11

Bana babu ne Yozefe kumunwuila lubabu. Kadi tatuende uvua anu uvuluka misangu mivule bilota abi.

Genese 37:4

Bana babu bamone muvua tatuabu mutambe kunanga Yozefe, kujilabu muanabu, kabayi mua kuyukila nende kakuyi matandu.

Genese 37:8

Bakulu bende kumukonka ne: — Udi musue kushala mukalenga wetu, ututumina diyi anyi? Ke kupitabu kumufikila munda bikole bua tshilota atshi ne bua bivuaye wamba abi.

2 Kulondolola 11:18

Robowame uvua musele Makalate. Tatuende wa Makalate uvua Yerimote, muana wa Davide. Mamuende wa Makalate uvua Abikayile, muana wa Eliyabe ne muikulu wa Ishayi.

Misambu 35:11

Bantu badi banjadikila malu a dishima. Badi bandumbuluisha bua malu andi tshiyi mumanye.

Nsumuinu 18:19

Muanenu uuvua upenda udi bu tshimenga tshidibu bakolesha ne bimana: mbikole bua wewe kuakula nende. Matandu a bena muntu mmakole, adi bu milonda ya kukanga nayi bimana.

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Matayi 10:36

Baluishi ba muntu nebikale anu bena diku diabu.

Matayi 27:18

Bualu Pilate uvua mumanye bimpe ne: bena Yuda mbafunde Yezu kudiye anu bualu bavua nende lukuna.

Marke 3:21

Baledi bende bumvue nanku, kuyabu bua kumuangata, bualu bavua bamba ne: “Yezu mmumane kujimija lungenyi!”

Yuda 1:10

Kadi bantu aba badi bapenda bidibu kabayi bamanye. Bu nyama ya muitu, mbamanye amu majinga a mubidi wabu. Ke tshidi ne bua kubafikisha ku kabutu.

1 Samuele 16:13

Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”

1 Samuele 17:29

Davide kumukonka ne: — Tshibi tshindi muenze ntshinyi? Tshiena mua kuela lukonku anyi?