1 Samuele 17:26 - MUKANDA WA MYIDI MUKULU

²⁶ Davide kukonka bena mvita bavua pabuipi nende ne: — Muntu wikale mushipe muena Peleshete ewu bua kusombuela bipendu bidiye upenda bena Izrayele, nebamufute tshinyi? Muena Peleshete ewu, udibu kabayi bateka panshi, upenda bena mvita ba Mvidi Mukulu wa muoyi nnganyi mene?

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Davidi wakakonka bantu bakadi bimana ha buihi nʼandi ne, Nebenzele muntu washiha Muena Peleshete eu ne wumusha bundu ku mesu kua Bena Isalele tshinyi? Muena Peleshete eu udi kayi mutengula, udi nganyi bua kufuneye bulobo ku mpala kua bena mata ba Nzambi wa muoyo?

1 Samuele 17:26 ပူးပေါင်းရင်းမြစ်များ

2 Bakalenga 19:4

Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

2 Kulondolola 32:17

Mukalenga wa bena Ashure uvua mufunde kabidi mukanda bua kusendeka Maweja-Nangila Mvidi Mukulu wa Izrayele. Uvua mufunde mu mukanda amu ne: “Mvidie ya bantu ba bisamba bikuabu bia pa buloba, kayivua mipandishe bantu bayi ku bianza bianyi to. Nanku, Mvidi Mukulu wa Izkiya kena mua kunnyenga bantu bende, nansha kakese.”

Nehemya 5:9

Meme kubambila ne: — Nudi benze bibi bitambe, kanuyi mua kutshinaku Mvidi Mukulu wetu! Nanku, baluishi betu, bantu ba bisamba bikuabu, nebanulembakaje.

Misambu 44:13

Udi usumbisha bantu bebe ku mushinga mukese, kuyi nansha upeta makasa.

Misambu 74:18

Maweja-Nangila, vuluka mudi muluishi ukufunyina, mudi bantu batatakane aba bakuseka.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yirmeya 9:25

ke bena Ejipitu, bena Yuda, bena Edome, bena Amone, bena Mowabe, ne bantu bonsu badi basombe mu tshipela badi badibeya nsuki. Bualu bantu aba bonsu, ne bena Izrayele mene, badi bu bantu badibu kabayi banji kuteka panshi, bualu kabena balama ndondu yanyi.

Yezekiyele 28:10

Neufue lufu lubi, bualu nebakushipe kudi bantu ba bisamba bikuabu, badi kabayi bamanye Mvidi Mukulu. Meme Maweja-Nangila Mvidi Mukulu ndi njadika bualu abu.”

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Danyele 6:27

“Ndi ngela mukenji ewu ne: Mu buloba buonsu budi ku bumfumu buanyi, muntu yonsu udi ne bua kuleja mudiye unemeka muende muonsu Mvidi Mukulu wa Daniyele. Yeye ke Mvidi Mukulu wa muoyi, udi ushala tshiendelele. Bukalenga buende budi bushala kashidi. Bumfumu buende kabuena bujika.

Danyele 9:16

Maweja-Nangila, utuenzele tshiakabidi malu mempe. Lekela tshiji tshiudi mukuatshile Yerushalayime, tshimenga tshiebe, mukuna webe wa tshijila. Bua bilema bietu ne bua mibi ya batatuetu, matunga onsu adi netu mutumba adi amu apenda Yerushalayime ne tshisamba tshiebe.

Yowele 2:19

Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.

Dielulula 5:26

Kakuena muntu ukadi mumvue Mvidi Mukulu wa muoyi wakula munkatshi mua kapia, bu mutudi tuetu bena Izrayele bumvue, kushalaye ne muoyi.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Samuele 11:2

Mukalenga Nakashe kuandamuna ne: — Eyowa, ndi musue kutua nenu ndondu, kadi anu panuikala bitabe bua meme kushipa disu dia luseke lua balume dia muntu yonsu wa kunudi, bua meme kufuisha bena Izrayele bonsu bundu.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.

1 Samuele 17:10

Lelu ndi mbunda bena mvita ba bena Izrayele, ndi musue kumona bukole buabu. Ntuminayi muntu bua tuluangane nende.

1 Samuele 17:30

Davide ukoma mukuluende nyima, kutuadija kuyukila ne muena mvita mukuabu. Kutungunukaye ne diebeja malu, wela anu dikonka adi. Muena mvita yonsu uvua anu umuandamuna mushindu umue.

1 Samuele 17:36

Ke mumvua nshipa nyama ya ntambue ne ya nkashama nanku. Ke mungenzela muena Peleshete ewu, udibu kabayi bateke panshi. Bualu udi upenda bena mvita ba Mvidi Mukulu wa muoyi.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.