1 Samuele 17:24 - MUKANDA WA MYIDI MUKULU

²⁴ Bena Izrayele bonsu bamone Ngoliyate, kupingana panyima, bualu bavua bamutshina bikole.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Hakatangila Bena Isalele bonso muntu au, bakamunyema, bakatamba kutshina.

1 Samuele 17:24 ပူးပေါင်းရင်းမြစ်များ

Yeshaya 30:17

Padi muluishi umue ukana bena mvita benu tshinunu, nebanyeme. Kadi padi batanu bakana, nenunyeme lubilu buonsu buenu. Tshiluilu tshienu tshionsu netshijimine. Netshishiye amu mutshi wa dibendele, muasa ku lusongu lua mukuna.

Yeshaya 7:2

Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Dibadika 13:33

Tuvua bamonemu ne bantu ba mpolondu, ndelanganyi ya Anake. Ku mesu kuabu tuetu tuvua badimone anu bu tunkenene. Bobu kabidi bavua mua kutumona nanku.

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

1 Samuele 17:11

Shawule ne bena mvita bende bonsu, bumvue miaku ya muena Peleshete ayi, kukuatshikabu bowa bunene.

1 Samuele 17:23

Kadi patshivua Davide uyukila ne bana babu, Ngoliyate muena Peleshete wa mu Ngate, kupita kumpala kua bena mvita babu, ufuna, ukana, bu muvuaye wenzenza misangu yonsu. Davide kumvua bionsu abi.

1 Samuele 17:25

Kuambilanganabu ne: “Udi mumone muntu ewu! Udi wenza bionsu ebi amu bua kutubunda. Kadi muntu wikale mumutshimune, mumushipe, mukalenga neamunemeshe ne bubanji bua bungi. Neamupe muanende wa bakaji, bua kuikalaye mukajende. Kabidi mu bena Izrayele, mu bena diku dia muntu awu, kabakuikala ne tshilumbu tshia kulambula tshitadi to.”