1 Samuele 17:18 - MUKANDA WA MYIDI MUKULU

¹⁸ Angata kabidi fromaje dikumi eyi, bua kupesha mfumu mulombodi wa bena mvita. Neutangile bana benu, ne badi bimpe. Neuntuadile tshintu tshidi tshinjadikila ne: kakuena bualu to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ uye ne fromage ei dikumi kudi kapitene kabo ka tshinunu; utangile bu mudi bana benu, uhingane ne dî diabo.

1 Samuele 17:18 ပူးပေါင်းရင်းမြစ်များ

Genese 37:13

Yakobe kuambila Yozefe ne: — Ndi musue kukutuma ku Shekeme, kudi bana benu badisha bimuna. Yozefe kuitaba ne: — Eyowa. Untume.

Genese 37:14

Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

Estere 2:11

Kadi Mordekayi uvua wendakana ku dituku ku dituku kumpala kua lupangu lua bakaji bua kumanya muvua Estere, ne bua kumanya tshidibu mua kumuenzela.

Yobe 10:10

Dituku dikuabu, tatu wanyi kubuelela mamu wanyi mu nzubu, wewe kutuadija kufimba mubidi wanyi munda mua mamu wanyi, bu mudibu bakuatakaja mabele mu luesu.

Ekesode 18:7

Moshe kuya kuakidila tatuende muenu, kutua binu panshi kumupukila. Kuelanganabu muoyi bakoleshangana. Pashishe Moshe kubabueja mu ntenta.

Bienzedi 15:36

Kupita matuku, Polu kuambila Barnabase ne: — Tubange luendu, tumonangane ne bena ditaba, mu bimenga bionsu bituvua bamanyishe muaku wa Mfumu, bua tumone mudibu.

Balombodi 18:15

Ke bantu batanu abu kuya ku nzubu wa Mika. Kubuelabu mu nzubu muvua nsongalume wa bena Levi, kumuelabu muoyi.

1 Samuele 16:20

Ishayi kuangata nyama wa mpunde, kutekapu mampa, mulondu wa biseba muela maluvu a mvinyo tente, ne muana mbuji. Kupeshaye Davide bintu abi bua kutuadilaye Shawule.

1 Samuele 17:19

Neusangane bana benu mu tshibandabanda tshia Ela, muaba udi Shawule ne bena mvita ba bena Izrayele bonsu baluisha bena Peleshete.

1 Samuele 25:5

Davide kutuma bantu bende dikumi, kudi Nabale, ubambile ne: — Nuye ku Karmele, kua Nabale, numungelele muoyi.

1 Samuele 30:21

Davide kupingana muaba uvua bantu bende nkama ibidi bashale, bapungile bikole, pabuipi ne musulu wa Beshore. Bantu abu, kuya kusambakena ne Davide, ne bantu bavuaye nabu. Davide ne bena mvita bende kusemena pabuipi, kubeela muoyi.