1 Samuele 17:1 - MUKANDA WA MYIDI MUKULU

¹ Bena Peleshete kusangisha bena mvita bua kuya kuluangana. Kudisangishabu mu tshimenga tshia Soko mu Yuda. Kuasabu mitanda yabu mu Efese-Damime, pankatshi pa tshimenga tshia Soko ne tshia Azeka.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Peleshete bakasangisha bena nvita babo bua kuluanganabo, bakadisangisha mu Soko, udi mu buloba bua Yuda: bakadi ne tshitudilu tshiabo hankatshi ha Soko ne Azeka mu Efese-damima.

1 Samuele 17:1 ပူးပေါင်းရင်းမြစ်များ

1 Kulondolola 11:13

Elazare uvua pabuipi ne mukalenga Davide mu musoku wa Pase-Damime, tshikondu tshivua bena Peleshete badisanga bua kubaluisha. Bena mvita ba bena Izrayele kunyemabu. Muaba awu muvua budimi bua ntete ya orje.

2 Kulondolola 11:7

Bete-Sure, Soko, Adulame,

2 Kulondolola 28:18

Bena Peleshete kabidi bavua babuele ne mvita mu bimenga bivua mu mpata ya ku muelelu wa Mayi manene, ne mu buloba bua bena Yuda buvua kuinshi mu ditunga. Bavua bakuate bimenga ebi: Bete-Shemeshe, Ayalone, Ngederote, Soko, Timna, Ngimzo, ne misoku ivuabu nayi mutumba. Bena Peleshete kuasamu.

Yirmeya 34:7

Tshikondu etshi bena mvita ba mukalenga wa mu Babilone bavua baluisha Yerushalayime ne bimenga bibidi bia Lakishe ne Azeka, bivua mukalenga awu kayi muanji kukuata.

Yoshua 15:35

Yarmute, Adulame, Soko, Azeka,

Balombodi 3:3

Bantu bavua Maweja-Nangila mushiye mu ditunga, ke bena makalenga atanu a bena Peleshete, bena Kenaane bonsu, bena Sidone, ne bena Ivi bavua base mu mikuna ya Lebanone, biangatshile ku mukuna wa Baale-Ermone, too ne ku Lebo-Amate.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 14:46

Shawule kulekela kulondakaja bena Peleshete. Ke bena Peleshete kupingana kuabu.

1 Samuele 14:52

Matuku onsu avua Shawule mushale mu bukalenga, uvua muluishe bena Peleshete bikole. Nanku misangu yonsu ivua Shawule upeta muntu wa dikima nansha wa mukitshi, uvua umuangata bua kuikalaye muena mvita wende.

1 Samuele 7:7

Bena Peleshete kumvua lumu ne: bena Izrayele mbadisangisha ku Mispa. Nanku, bamfumu batanu ba bena Peleshete kudilongolola bua kuluisha bena Izrayele. Bena Izrayele bumvua nanku, kukuatshikabu bowa.