1 Samuele 16:5 - MUKANDA WA MYIDI MUKULU

⁵ Samuwele kuandamuna ne: — Eyowa, ndi mufike bua kulambula Maweja-Nangila mulambu. Nanku, nujikije mikiya yonsu inudi nayi, bua tuye nenu. Samuwele kubikidisha kabidi ne Ishayi ne bana bende ba balume, bua bajikije mikiya yabu, badisanga nende ku mulambu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yeye wakamba ne, Ditalala didiku, nakulala bua kushihela Yehowa nyama; nudilengeshe, nulue kundi ku tshishihelu. Yeye wakalengesha Yishai ne bana bandi ba balume, wakababikila ku tshishihelu.

1 Samuele 16:5 ပူးပေါင်းရင်းမြစ်များ

Genese 35:2

Yakobe kuambila bena diku diende ne bantu bende ne: — Dilongololayi. Umushayi mvidie ya bisamba bikuabu idi munkatshi muenu. Dikobololayi, nuvuale bilamba bikuabu.

1 Bakalenga 2:13

Dituku dikuabu, Adoniya, muana uvua Davide mulele ne mukajende Agite, kuya kudi Batsheba, mamuende wa Shelomu. Batsheba kukonka Adoniya ne: — Udi mufike ne muoyi wa kungenzela bimpe anyi? Adoniya kuitaba ne: — Eyowa.

1 Kulondolola 12:18

Davide kuya kubakidila, ubambila ne: — Panuikala bafike kundi ne ditalala bua kungambuluisha, ndi nnuakidila ne muoyi mujima. Kadi panuikala bangelele tshifufu bua kumfila kudi baluishi banyi, nansha tshiyi muenze bualu bubi, Mvidi Mukulu wa bankambua betu amone bualu abu, anunyoke.

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Ekesode 19:10

Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Yowele 2:16

Nusangishe bantu, babuele bonsu muaba wa tshijila! Nusangishe bakulumpe ne bana, too ne batshidi bamua dibela. Nanku batshidi babueleleku mu dibaka, bapatuke mu nzubu yabu, basangile pamue ne bakuabu.

Sefanya 1:7

Puwayi, Mvidi Mukulu Maweja-Nangila udi ufika. Dituku dia tshiji tshiende dikadi pabuipi! Maweja-Nangila mmulongolole mulambu. mMumane kumusha mikiya ya badiye mubikile bua kudia nabu didia dia mulambu.

Dibadika 11:8

Butuku mana avua amata mu mitanda ne lumuma musangu umue. Dinda, bena Izrayele bavua baye kuangula, baapela pankatshi pa mabue abidi, nansha baatua mu tshinu. Pashishe bavua baalamba mu ngesu, nansha baenza mikata. Avua ne muenya bu wa mikata milamba ne mafuta.

1 Korente 11:28

Nanku muntu yonsu adikonkonone, pashishe adie diampa, anuine mu dikopu edi.

Yoshua 3:5

Yoshuwa kuambila bena Izrayele ne: — Nujikije mikiya inudi nayi, bualu malaba Maweja-Nangila neenze bishima munkatshi muenu.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

1 Samuele 20:26

Dituku adi, Shawule kena muebeje bualu to. Uvua wela meji ne: Davide kena mufike, bualu udi mua kuikala ne mikiya ya mu mpukapuka.