1 Samuele 16:15 - MUKANDA WA MYIDI MUKULU

¹⁵ Bena mudimu ba Shawule kumuambila ne: — Tudi bamone ne: mukishi mubi udibu bakutumina kudi Maweja-Nangila, udi ukukengesha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bena mudimu ba Shaula bakamuambila ne, Tangila, nyuma mubi kudi Nzambi udi ukutatshisha.

1 Samuele 16:15 ပူးပေါင်းရင်းမြစ်များ

Balombodi 9:23

Pashishe Mvidi Mukulu kutuma tshimvundu pankatshi pa mukalenga Abimeleke ne bena Shekeme, kabatshiyi bumvuangana kabidi to. Bena Shekeme kutombokela Abimeleke.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 16:14

Mueyelu wa Maweja-Nangila kumuka kudi Shawule. Maweja-Nangila kutumina Shawule mukishi mubi bua kumukengeshawu.

1 Samuele 16:16

Nanku, tuma diyi, tuye kukukebela muntu udi mumanye mua kuimba lunkombe. Pikala mukishi mubi mukutulukile, muena lunkombe neakuimbile bua umvue bimpe.

1 Samuele 18:10

Butshia dinda, mukishi mubi mutuma kudi Mvidi Mukulu kutulukila Shawule. Kuendakanaye mu nzubu muende bu muntu mupale. Davide uvua umuimbila lunkombe, bu muvuaye wenza misangu yonsu. Shawule uvua mukuate difuma diende mu tshianza.

1 Samuele 19:9

Dituku dikuabu, mukishi mubi mutuma kudi Maweja-Nangila, kutulukila Shawule, pawaye mu nzubu muende ne difuma mu tshianza. Pavua Davide wimbila Shawule lunkombe,