1 Samuele 16:13 - MUKANDA WA MYIDI MUKULU

¹³ Samuwele kuambula mafuta, kuela Davide pa mutu bua kumujidila, bana babu batangile. Mueyelu wa Maweja-Nangila kutulukila Davide, kushalawu nende biangatshile dituku adi too ne kashidi. Pashishe Samuwele kupingana ku Rama.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hashishe Samuele wakangata lusengu lua manyi, wakamuela manyi ha mutu handi munkatshi mua bana babo; Nyuma wa Yehowa wakatulukila Davidi bikole ku dituku adi. Nunku Samuele wakajuka, wakahingana ku Lama.

1 Samuele 16:13 ပူးပေါင်းရင်းမြစ်များ

2 Samuele 12:7

Muambi Natane kuandamuna ne: — Muntu udi muenze bualu abu, ngwewe mene Davide! Maweja-Nangila Mvidi Mukulu wa bena Izrayele udi wamba ne: “Mvua mukujidile bua wewe kuikala mukalenga wa bena Izrayele. Mvua mukusungidile kudi Shawule uvua ukuluisha.

2 Samuele 2:4

Ke bena Yuda kufika mu Ebrone bua kujidila Davide bua ikala mukalenga wa bena Yuda. Bantu bamane kuambila Davide ne: Bena mu tshimenga tshia Yabeshe mu Ngilaade mbajike Shawule,

2 Samuele 23:1

Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

2 Bakalenga 9:6

Yehu kujuka, kuya nende ku nzubu. Muambi nsongalume kumuela mafuta pa mutu, umuambila ne: — Maweja-Nangila Mvidi Mukulu wa bena Izrayele udi wamba ne: “Ndi nkujidila bua wikale mukalenga wa bantu banyi bena Izrayele.

1 Kulondolola 11:3

Bakulu bonsu ba bena Izrayele kuya kudi mukalenga Davide mu tshimenga tshia Ebrone. Davide kutua nabu ndondu kumpala kua Maweja-Nangila. Bobu kumujidila bua ashale mukalenga wa bena Izrayele, bua kukumbaja diyi dia Maweja-Nangila divua Samuwele muambe.

Misambu 89:20

Dituku dikuabu uvua muleje bualu, wewe kuakula, wambila bantu bebe badi bakulamata ne: “Ndi muambuluishe muntu wa bukitu, ndi musungule nsongalume wa bantu bonsu.

Misambu 89:21

Ndi mupete Davide bua ikale muena mudimu wanyi, ndi mumujidile ne mafuta anyi a tshijila.

Dibadika 11:17

Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Dibadika 27:18

Maweja-Nangila kuandamuna Moshe ne: — Yoshuwa, muana wa Nune, mmukumbane, bualu udi ne Mueyelu wanyi munda muende. Umubikidishe, umutenteke bianza.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Bienzedi 13:22

Mvidi Mukulu mumane kubenga Shawule, kutekaye Davide, bua ikale mukalenga wabu. Mvidi Mukulu kuamba ne: “Ndi musungule Davide, muana wa Ishayi, muntu wa pa muoyi wanyi. Neakumbaje bionsu bindi musue.”

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”

Ebrewu 11:32

Nengambe tshinyi kabidi? Tshiena ne diba dia kumvuija malu a Ngideyone, a Barake, a Shimeshone, a Yefete, a Davide, a Samuwele ne a bambi.

Balombodi 11:29

Mueyelu wa Maweja-Nangila kutulukila Yefete. Kuendakanaye mu buloba bua Ngilaade ne bua Menashe. Kupitshilaye ku Mispa mu Ngilaade, bua kufika mu buloba bua bena Amone.

Balombodi 13:25

Muana awu, uvua mu mitanda ya Dane, pankatshi pa Sora ne Eshetayole, tshikondu tshivua Mueyelu wa Maweja-Nangila mutuadije kumuenzeja malu a dikema musangu wa kumpala.

Balombodi 14:6

Mueyelu wa Maweja-Nangila kutulukila Shimeshone. Awu uvua anu bianza bitupu. Kadi kupandaye muana wa ntambue awu bipese, amu bu udi upanda kana ka mbuji. Kadi Shimeshone kena muambile baledi bende bionsu bivuaye muenze abi to.

Balombodi 3:10

Mueyelu wa Maweja-Nangila kutulukila Otniyele. Kushalaye mulombodi wa bena Izrayele. Kuyaye kuluangana mvita. Maweja-Nangila kumupesha bukole bua kutshimunaye mukalenga Kushane-Rishatayime.

1 Samuele 1:19

Butshia dinda, Elkana ne bena nzubu wende bonsu kuya kutendelela Maweja-Nangila. Pashishe kupinganabu kuabu mu Rama. Elkana kubuelela mukajende Ane mu nzubu. Maweja-Nangila kuitaba dilomba dia Ane.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 10:6

Pashishe Mueyelu wa Maweja-Nangila neukutulukile. Nentuadije kuja maja, kuela mbila bu bambi abu. Newikale mushintuluke.

1 Samuele 11:6

Shawule umvua nanku, Mueyelu wa Mvidi Mukulu kumutulukila, kupetaye tshiji tshikole.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

1 Samuele 18:12

Shawule kutshina Davide. Bualu uvua mujadike ne: Maweja-Nangila mmumane kumbenga, musungule amu Davide.

1 Samuele 2:35

Pashishe meme nendisunguile mutuangaji udi mua kuenza ne muoyi umue tshindi musue. Nemmupeshe ndelanganyi idi mua kuenza mudimu wa butuangaji kashidi kumpala kua mukalenga ungikala musungule.