1 Samuele 16:12 - MUKANDA WA MYIDI MUKULU

¹² Ke Ishayi kubikidisha muana awu. Nsongalume awu uvua ne mubidi mukunze, ne mpala muimpe mutambe, mesu abalakana. Ke Maweja-Nangila kuambila Samuwele ne: “Ke muana undi musungule ewu. Umujidile bua kuikalaye mukalenga.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakatuma di, bakalua nʼandi. Yeye wakadi ne mpala lukunjila-kunjila, wakadi ne mesu mimpe, wakadi muakane kumona. Yehowa wakamba ne, Bika, umuele manyi ha mutu, eu nyeye mene.

1 Samuele 16:12 ပူးပေါင်းရင်းမြစ်များ

Genese 39:6

Potifare uvua ne mudimu amu wa kudia. Uvua ulombola bintu biende bionsu uvua amu Yozefe. Yozefe uvua nsongalume wa mpala muimpe mutambe, mumanye mua kusomba ne bantu.

2 Samuele 23:1

Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.

2 Samuele 7:8

“Wambile Davide kabidi ne: ‘Maweja-Nangila wa bena Izrayele udi wamba ne: Pauvua mulami wa mikoku, meme kukumusha ku mudimu awu, bua wewe kuikala mukalenga wa bantu banyi bena Izrayele.

1 Bakalenga 1:34

Muaba awu, mutuangaji Sadoke, ne muambi Natane, nebamuele mafuta pa mutu bua kumujidila, bua ashale mukalenga wa bena Izrayele. Pashishe, nuele mpungi, nuele mbila, nuamba ne: “Mukalenga Shelomu akuate ku mundundu.”

Misambu 2:2

Bakalenga ba pa buloba badi badilongolola ku mvita. Bamfumu badi bumvuangana bua kubenga Maweja-Nangila, kubenga ne mukalenga uvuaye musungule.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Misambu 78:70

Maweja-Nangila uvua musungule Davide, bua kuikala muena mudimu wende. Uvua muye kumukeba mu tshikumbi tshia mikoku,

Ekesode 2:2

Mukaji awu kuimita difu, kulela muana wa balume. Uvua mumone muvua muana ne mubidi muimpe. Kumusokokaye ngondu isatu.

Musambu wa Solomo 5:10

Munanga wanyi udi muimpe mutambe bu tshiamu tshikunze. Udi wa bukole bupite. Ku bantu binunu dikumi amu umue udi mumufuane!

Muadi 4:7

Bana ba bamfumu bavua bakenka, bapite neje, bavua bapite mabele ku butoke. Mibidi yabu ivua mimpe, mikunzubile mipite mabue a koraye. Mijilu ya mu mibidi yabu ivua mifikuluke, bu dibue dia safire dia mushinga mukole.

Zekâya 4:14

Ke yeye kungumvuija ne: — Mitshi eyi ke bantu babidi bavuabu balabe manyi a tshijila, bua kuenzelabu Maweja-Nangila wa buloba bujima mudimu.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

Bienzedi 7:20

Ke tshikondu tshivuabu balele Moshe, muana wa mpala muimpe, uvua mutokele Mvidi Mukulu ku muoyi. Kumudishabu ngondu isatu ku nzubu kua tatuende.

Ebrewu 11:23

Amu bua ditaba diabu, baledi ba Moshe bavua bamusokoke ngondu isatu kunyima kua diledibua diende. Bualu batata bamone ne: muana ewu mmulengele. Nanku kabavua batshina mukenji wa mukalenga nansha.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

1 Samuele 17:42

Ngoliyate utangila Davide, kumupepejaye, bualu Davide utshivua muana mukese, muikale ne mubidi mukunze, ne mpala muimpe mutambe.

1 Samuele 17:55

Shawule umona ne: Davide wayi kuluangana ne Ngoliyate, kukonkaye Abnere, mfumu mulombodi wa bena mvita bende, ne: — Abnere, nsongalume ewu mmuana wa nganyi? Abnere kuandamuna ne: — Mukalenga, tshiena mumanye to.

1 Samuele 9:17

Nanku anu Samuwele umona Shawule mutshikale kule, Maweja-Nangila kuambila Samuwele ne: “Tangila muntu umvua mukuambile. Yeye neikale mukalenga wa bantu banyi.”