1 Samuele 16:1 - MUKANDA WA MYIDI MUKULU

¹ Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Samuele ne, Wewe neudile muadi bua Shaula musangu bule munyi bualu bua meme nakamuhidia mu bukelenge bua Isalele? Ûshe lusengu luebe ne manyi tente, uye biebe, nenkutume kudi Yishai, Muena Beteleheme, bualu bua nakadisunguila mukelenge munkatshi mua bana bandi ba balume.

1 Samuele 16:1 ပူးပေါင်းရင်းမြစ်များ

1 Bakalenga 8:16

“Biangatshile dituku dimvua mupatule bantu banyi bena Izrayele mu Ejipitu, katshia tshivua musungule tshimenga nansha tshimue munkatshi mua bimenga bia bena Izrayele bua kungibakilamu nzubu undi mua kusomba to. Kadi ndi mukusungule wewe Davide, bua wikale mukalenga wa bantu banyi bena Izrayele.”

2 Bakalenga 9:1

Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

2 Bakalenga 9:3

Wangate kalondu ka mafuta, umuele mafuta pa mutu, umuambile ne: Maweja-Nangila udi wamba ne: “Ndi nkujidila bua wikale mukalenga wa bena Izrayele!” Pashishe, kujingakanyi to. Unzulule tshiibi, upatuke lubilu.

2 Bakalenga 9:6

Yehu kujuka, kuya nende ku nzubu. Muambi nsongalume kumuela mafuta pa mutu, umuambila ne: — Maweja-Nangila Mvidi Mukulu wa bena Izrayele udi wamba ne: “Ndi nkujidila bua wikale mukalenga wa bantu banyi bena Izrayele.

1 Kulondolola 11:3

Bakulu bonsu ba bena Izrayele kuya kudi mukalenga Davide mu tshimenga tshia Ebrone. Davide kutua nabu ndondu kumpala kua Maweja-Nangila. Bobu kumujidila bua ashale mukalenga wa bena Izrayele, bua kukumbaja diyi dia Maweja-Nangila divua Samuwele muambe.

1 Kulondolola 28:4

Kadi Maweja-Nangila Mvidi Mukulu wa Izrayele uvua munsungule munkatshi mua bena diku dia tatu wanyi, bua meme ne ndelanganyi yanyi tushale mu bukalenga kashidi mu Izrayele. Ku kale, uvua musungule tshisamba tshia bena Yuda bua tshikale tshisamba tshia bukalenga. Pashishe mu tshisamba tshia bena Yuda, wakasungula diku dia tatuanyi. Munkatshi mua bana ba balume ba tatuanyi, kunsungulaye bua nshale mukalenga wa bisamba bionsu bia bena Izrayele.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 11:10

Muana wa ku ndelanganyi ya Ishayi neikale mulombodi wa bukua bisamba. Bukua bisamba nebuye kumulomba meji. Muaba wikalaye musombe, neukenke ne butumbi bua Mvidi Mukulu.

Yeshaya 55:4

Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.

Yirmeya 11:14

Nenku wewe Yirmeya, tshimenga etshi kuena mua kutshilombela kundi. Kuena mua kuntendelela nansha kunsengelela kabidi bualu buatshi to. Bualu padi makenga abakuata nebansengelele bua meme kubambuluisha. Kadi tshiena mua kubateleja to.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Yirmeya 6:30

Badi bamba bantu abu ne: “Tshiamu tshitoke tshivua ne mushinga, tshikadi katshiyi ne mushinga.” Maweja-Nangila mmumane kubabenga.

Yirmeya 7:16

Yirmeya kuakuidi bantu aba to. Kuena mua kubalombela, utendakana to. Kunsengeledi to. Bualu meme tshiena nkuteleja to.

Zekâya 4:14

Ke yeye kungumvuija ne: — Mitshi eyi ke bantu babidi bavuabu balabe manyi a tshijila, bua kuenzelabu Maweja-Nangila wa buloba bujima mudimu.

Rome 15:12

Yeshaya kabidi udi wamba ne: “Muntu wa ku ndelanganyi ya Ishayi neafike, neajuke bua kulombola matunga. Bisamba bionsu nebimutekemene amu yeye.”

Ebrewu 11:32

Nengambe tshinyi kabidi? Tshiena ne diba dia kumvuija malu a Ngideyone, a Barake, a Shimeshone, a Yefete, a Davide, a Samuwele ne a bambi.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 15:26

Samuwele kuandamuna ne: — Nansha! Tshiena mua kuya nebe to. Bualu udi mubenge kutumikila mikenji ya Maweja-Nangila. Nanku Maweja-Nangila mmumane kukubenga. Kuakuikala kabidi mukalenga wa bena Izrayele to.

1 Samuele 15:35

Biangatshile diba adi, matuku onsu avua Samuwele ne muoyi, kena mumonangane kabidi ne Shawule to. Samuwele uvua ne kanyinganyinga kakole bualu bua Shawule. Maweja-Nangila uvua unyingalala bua pavuaye musungule Shawule mukalenga wa bena Izrayele.

1 Samuele 16:15

Bena mudimu ba Shawule kumuambila ne: — Tudi bamone ne: mukishi mubi udibu bakutumina kudi Maweja-Nangila, udi ukukengesha.

1 Samuele 16:23

Biangatshile musangu awu, pavua mukishi mubi, mutuma kudi Maweja-Nangila, utulukila Shawule, Davide uvua wambula lunkombe, umuimbila. Nanku Shawule uvua umvua bimpe, upeta dikisha, mukishi mubi umuka.

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”