1 Samuele 15:9 - MUKANDA WA MYIDI MUKULU

⁹ Shawule ne bena mvita bende bavua bashiye Agage ne muoyi, bashiya kabidi nyama mimpe yonsu ivuabu basungule ku bimuna: ngombe, mikoku, nyama ivua ne mafuta, ne bana ba mikoku. Bavua bashipa amu nyama mibi ivua kayiyi ne diambuluisha to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi Shaula ne bantu bandi bakasungula Agaga ne mikoko ne ngombe ne biakadi ne manyi a bungi ne bana ba mikoko biakatamba buimpe, ne bintu bionso biakadi bimpe, bakahidia kubishiha; kadi bintu bionso bia tshianana, bakaushiha.

1 Samuele 15:9 ပူးပေါင်းရင်းမြစ်များ

2 Samuele 6:13

Bantu bavua bambula mushete bamane kuenda mutantshi wa makasa asambombu, Davide kulambula ngombe mulume ne muana wa ngombe wa manyi.

1 Bakalenga 20:34

Benadade kuambila Akabe ne: — Nenkupingajile bimenga bivua tatu wanyi munyenge tatuebe. Nanku bintu bia mu ditunga diebe, neuye kubisumbisha mu tshimenga tshia Damase, bu muvua tatu wanyi uya kusumbisha bintu bia mu ditunga dietu mu Samariya. Akabe kumuambila ne: — Meme ndi musue kutua nebe ndondu. Pashishe, nenkulekele bua wewe kuya muebe muudi musue. Akabe mumane kutua ndondu ne Benadade, kumulekelaye.

Matayi 26:9

Kabavua mua kusumbisha manananshi aa ku mushinga mukole, kupesha bapele makuta anyi?

Yoshua 6:18

Kadi nudimuke! Kanuangatshi tshintu nansha tshimue tshia mu tshimenga etshi. Bualu nudi mua kudikebela diakabi. Bena Izrayele bonsu badi mu mitanda badi mua kubutuka.

Yoshua 7:21

mu bintu bituvua bapeta mu mvita, mvua mumone tshinkutu tshimpe tshia bena Mezopotamiya, nkanu nkama ibidi ya biamu bitoke bia mushinga mukole, ne tshiamu tshia mpawungi tshikale ne bujitu bua nkanu makumi atanu. Lukuka lukole kungenza. Mvua mubiangate. Meme kubijikila mu ntenta wanyi, munudi mua kubipeta. Mvua muteke tshiamu tshitoke tshia mushinga mukole muinshi.

1 Samuele 15:10

Ke Maweja-Nangila kuambila Samuwele ne:

1 Samuele 15:15

Shawule kuandamuna ne: — Bena mvita mbasungule nyama mimpe ya bena Amaleke, bafike nayi muaba ewu, bua kuyilambula Maweja-Nangila Mvidi Mukulu webe. Kadi bintu bikuabu bionsu tudi babishipe.

1 Samuele 15:19

Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

1 Samuele 28:18

Bualu wewe kuvua mutumikile meyi a Maweja-Nangila. Kuvua mubutule bena Amaleke bonsu to. Ke padi Maweja-Nangila ukukengesha lelu mushindu ewu.