1 Samuele 15:33 - MUKANDA WA MYIDI MUKULU

³³ Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.

Mukanda wa Nzambi Dihungila Dikulukulu ne Dihungila Dihia-dihia 2003

³³ Samuele wakamba ne, Bulelela, bu muakadi muele webe wa nvita mushiye bakashi kabayi ne bana, nunku mamu webe neikale munkatshi mua bakashi kayi ne bana. Samuele wakakosa Agaga bituha bituha ku mpala kua Yehowa mu Gilegala.

1 Samuele 15:33 ပူးပေါင်းရင်းမြစ်များ

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

Ekesode 17:11

Pavua Moshe wela tshianza mulu, bena Izrayele bavua bapita bena Amaleke bukole. Pavuaye upuekesha tshianza, bena Amaleke bavua batshimuna bena Izrayele.

Ekesode 21:24

Mushipianganyi wa disu, bamushipe diende. Mupodianganyi wa dinu, bamupole diende. Mukoshanganyi wa tshianza, bamukose tshiende. Mukoshanganyi wa dikasa, bamukose diende.

Yeshaya 34:6

Ku muele wa mvita wa Maweja-Nangila, kudi mashi a bungi, kudi mafuta tente, bu mashi a mikoku ya bimpanga, a mbuji ya mpumbu, bu mafuta a ku tuonyi tua mbuji. Bualu mu tshimenga tshikulu tshia Bosra, Maweja-Nangila udi ulambula milambu. Mu ditunga dia bena Edome, udi ushipa nyama ya milambu.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yirmeya 48:10

Maweja-Nangila atshipe bantu, badi benza mudimu wende ne lulengu, babenga bua muele wende kaushipi bantu.

Osheya 6:5

Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Dibadika 14:45

Bena Amaleke ne bena Kenaane kupueka ku mukuna uvuabu basombe. Kuluanganabu ne bena Izrayele, kubatshimuna, kubipata too ne ku Orma.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Didimanyisha 18:6

Enzelayi Babilone muvuaye munuenzele. Mufutayi misangu ibidi pa bivuaye muenze. Uwujayi dikopu diende ne maluvu makole. Bukole buawu bupite misangu ibidi bua avuaye munuelele.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.

1 Samuele 10:8

Pashishe udianjila kupueka ku Ngilgale kumpala kuanyi. Meme nenshishe kukulonda, bua kulambula milambu ya kuosha ne ya bobumue. Ungindile ku Ngilgale matuku muanda mutekete. Pangafika nenkuambile tshiudi mua kuenza.

1 Samuele 15:32

Ke Samuwele kutuma diyi bua bafike ne Agage, mukalenga wa bena Amaleke. Agage kufika ne disanka bualu uvua wela meji ne: “Ndi mumane kupanda ku lufu.”