1 Samuele 15:26 - MUKANDA WA MYIDI MUKULU

²⁶ Samuwele kuandamuna ne: — Nansha! Tshiena mua kuya nebe to. Bualu udi mubenge kutumikila mikenji ya Maweja-Nangila. Nanku Maweja-Nangila mmumane kukubenga. Kuakuikala kabidi mukalenga wa bena Izrayele to.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Samuele wakambila Shaula ne, Tshiena mpingana nʼebe nansha, bualu bua wewe wakahidia dî dia Yehowa, ne Yehowa wakakuhidia bua wewe kuikala mukelenge ku mutu kua Bena Isalele.

1 Samuele 15:26 ပူးပေါင်းရင်းမြစ်များ

Genese 42:38

Yakobe kubenga, wamba ne: — Kanuena nuya ne Binyamine wanyi to. Muanabu ukadi mufue. Yeye ke undi mushale nende. Bu yeye mupete dikasa dibi, panudi nuya nende apu, nenunshipeshe meme mukulumpe bua kanyinganyinga ka lufu luende.

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

2 Samuele 7:15

Kadi tshiena mua kumubenga, bu mumvua mulekele Shawule bua wewe kumupingana mu bukalenga.

Yirmeya 6:19

Bantu bonsu ba pa buloba, telejayi: Nenkengeshe bantu aba bua kubanyoka bua buenzavi buabu. Bavua bapepeja bionsu bimvua mbambila. Bavua babenga meyi anyi.

Osheya 13:11

Meme kunupesha bakalenga, kadi ne tshiji! Bu mumvua munufikile munda, meme kununyengabu.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Bienzedi 13:22

Mvidi Mukulu mumane kubenga Shawule, kutekaye Davide, bua ikale mukalenga wabu. Mvidi Mukulu kuamba ne: “Ndi musungule Davide, muana wa Ishayi, muntu wa pa muoyi wanyi. Neakumbaje bionsu bindi musue.”

2 Yone 1:11

Bualu muntu udi wela wa nanku muoyi, udi udisanga nende mu malu adiye wenza.

1 Samuele 13:14

Kadi mpindiewu, kuakushala mu bukalenga matuku a bungi to. Maweja-Nangila mmumane kusungula muntu mukuabu udiye musue bua kuikala mukalenga wa bantu bende bena Izrayele. Bualu wewe kuena mutumikile meyi a Maweja-Nangila to.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 15:31

Samuwele kuya nende. Shawule kutendelela Maweja-Nangila.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.

1 Samuele 28:18

Bualu wewe kuvua mutumikile meyi a Maweja-Nangila. Kuvua mubutule bena Amaleke bonsu to. Ke padi Maweja-Nangila ukukengesha lelu mushindu ewu.