1 Samuele 15:19 - MUKANDA WA MYIDI MUKULU

¹⁹ Kuena mutumikile diyi dia Maweja-Nangila bua tshinyi? Udi muangate bintu bia bena Amaleke bua kufikisha Maweja-Nangila munda bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku wewe kuakatumikila dî dia Yehowa bua tshinyi? Kadi wakahana bintu, Wakenza bualu bubi ku mesu kua Yehowa.

1 Samuele 15:19 ပူးပေါင်းရင်းမြစ်များ

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

2 Kulondolola 33:2

Menashe uvua wenza malu avua Maweja-Nangila mubenge. Uvua muenze malu mabi onsu avua bantu ba bisamba bikuabu benza. Maweja-Nangila uvua mubipate bua bashile bena Izrayele ditunga.

2 Kulondolola 33:6

Uvua mulambule ne bana bende ba balume bu mulambu mu tshibandabanda tshia Inome. Uvua wenza majimbu a mishindu mishilangane, ubuka lubuku lua muzangu. Nanku, Menashe uvua wenza amu kuenza malu adi Maweja-Nangila mubenge, umufikisha munda.

2 Kulondolola 36:12

Uvua wenza malu adi Maweja-Nangila Mvidi Mukulu wende mubenge. Uvua mubenge kutonda bubi buende kumpala kua muambi Yirmeya, uvua umumanyisha malu avua Maweja-Nangila muambe.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.

Yirmeya 7:11

Maweja-Nangila udi wamba ne: ndi mumone bionsu binudi nuenza. Nzubu wanyi meme, ukadi muaba udi bivi basokomena anyi?

Dibadika 14:41

Moshe kubebeja ne: — Tshinudi nuenza ntshinyi? Nudi nutupa ku diyi dia Maweja-Nangila! Nanku kanuakuikala ne diakalenga to!

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

1 Samuele 14:32

Nanku kufuilakanabu bintu bivuabu bapawule: mikoku, ngombe ne bana ba ngombe. Kushipelabu nyama ayi anu muaba awu. Kudiabu munyinyi awu, mutshikale ne mashi.

1 Samuele 15:20

Shawule kuandamuna ne: — Meme ndi mutumikile diyi dia Maweja-Nangila. Ndi muenze bionsu bivuaye mungambile. Ndi mushipe bena Amaleke bonsu. Ndi mushiye anu mukalenga wabu Agage, undi mufike nende muaba ewu.