1 Samuele 15:13 - MUKANDA WA MYIDI MUKULU

¹³ Samuwele ufika pabuipi ne Shawule. Shawule kumuambila ne: — Maweja-Nangila akuele lupemba! Ndi mukumbaje bionsu bivua Maweja-Nangila mungambile.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Samuele wakalua kudi Shaula. Shaula wakamuambila ne, Yehowa akuvudishile disanka; nakatumikila mukenji wa Yehowa.

1 Samuele 15:13 ပူးပေါင်းရင်းမြစ်များ

Genese 14:19

Kumuelaye lupemba, wamba ne: — Mvidi Mukulu muena kulu, mufuki wa diulu ne buloba atumbe. Akuele wewe Abrame lupemba.

Genese 3:12

Mulume kuandamuna ne: — Anu mukaji uuvua mumpeshe ke udi muntuadile tshimuma, meme panyi kutshidia.

2 Samuele 2:5

kutumaye bantu bua bambila bena mu Yabeshe ne: “Maweja-Nangila anuele lupemba, bualu nudi bajike mfumuenu Shawule, baleje munuvua bamunange.

Nsumuinu 27:2

Bakuabu bakutumbishe. Kadi wewe kudianyishi nansha!

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Nsumuinu 30:13

Bantu bakuabu badi batangila bantu nabu ne kapeja, badiela mulu.

Nsumuinu 31:31

Numuanyishe bua bionsu bidiye wenza, bena tshimenga bonsu bamutumbishe bua mudimu udiye ukuata.

Luke 17:10

Ke munudi nuenu kabidi. Panudi nukumbaja bionsu bidi Mvidi Mukulu unuambila, nuambe amu ne: “Tudi amu bena mudimu ba patupu. Tuvua bakumbaje amu bituvua ne bua kuenza.”

Luke 18:11

Muparushe uvua muimane kulu, utendelela, wamba mundamunda muende ne: “Mvidi Mukulu wanyi, ndi nkuela tuasakidila, bualu tshiena bu bantu bakuabu. Bonsu badi amu biba, bakengesha bantu, babuelela bakaji ba bende mu nzubu. Ndi nkuela tuasakidila nangananga, bualu tshiena bu mulambuishi wa bitadi wawa.

Balombodi 17:2

Dituku dikuabu Mika kuambila mamuende ne: — Uvuluke ne: bavua bakuibe nkanu ya tshiamu tshitoke tshia mushinga mukole tshinunu ne lukama. Wewe kutshipa muivi awu, meme muteleje. Kadi meme ndi ne nkanu ayi. Meme ke uvua muyangate. Mamuende kumuambila ne: — Muananyi, Maweja-Nangila akuele lupemba.

Rute 3:10

Bowaze umvua nanku, kuambilaye Rute ne: — Maweja-Nangila akuele lupemba, bualu waleji dilamata diebe dipite ne pa diuvua muenze kumpala kua mamuenebe. Bualu kuena muye kudi bansongalume babanji, nansha bapele, bua bakupiane.

1 Samuele 13:10

Ujikija kulambula, Samuwele kufika. Shawule kuya kuakidila Samuwele, umuela muoyi.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.

1 Samuele 15:20

Shawule kuandamuna ne: — Meme ndi mutumikile diyi dia Maweja-Nangila. Ndi muenze bionsu bivuaye mungambile. Ndi mushipe bena Amaleke bonsu. Ndi mushiye anu mukalenga wabu Agage, undi mufike nende muaba ewu.

1 Samuele 15:9

Shawule ne bena mvita bende bavua bashiye Agage ne muoyi, bashiya kabidi nyama mimpe yonsu ivuabu basungule ku bimuna: ngombe, mikoku, nyama ivua ne mafuta, ne bana ba mikoku. Bavua bashipa amu nyama mibi ivua kayiyi ne diambuluisha to.

1 Samuele 23:21

Shawule kubambila ne: — Maweja-Nangila anuele lupemba, bua luse lunudi bamfuile.

1 Samuele 25:14

Muntu wa ku bena mudimu ba Nabale, kuya kuambila Abiyayile, mukaji wa mfumuende wa mudimu, ne: — Davide uvua mutume bantu bafumine mu tshipela bua kuela mfumuetu Nabale muoyi. Kadi, mfumuetu Nabale kena mubakidile bimpe to.