1 Samuele 15:12 - MUKANDA WA MYIDI MUKULU

¹² Butshia dinda, Samuwele kuya kumonangana ne Shawule. Kumuambilabu ne: “Shawule mmuye ku Karmele, bua kuimanyika dibue dia kuikala bamuvulukila. Pashishe neatungunuke ne luendu too ne ku Ngilgale.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakatshiabu Samuele wakabika bua kusambakeneye ne Shaula. Bakambila Samuele ne, Shaula wakalua ku Kâmele, ne mona, wakimanyikaku dibue dia tshivulukidi, wakatshunguluka, wakalota, wakaya ku Gilegala.

1 Samuele 15:12 ပူးပေါင်းရင်းမြစ်များ

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

2 Samuele 18:18

Patshi wa Absalome ne muoyi, uvua muimanyike dibue mu tshibandabanda tshia Mukalenga, bualu uvua wamba ne: “Tshiena ne muana wa balume udi mua kusangula dina dianyi.” Nanku, kuinyikaye dibue adi dina diende. Too ne mpindiewu, batshidi babikila dibue adi ne: “Tshivulukilu tshia Absalome” Davide udi upeta lumu lua lufu lua Absalome

2 Samuele 23:35

Esrayi, wa mu Karmele, Parayi, wa mu musoku wa Arabe;

1 Bakalenga 18:42

Akabe kuya, kudia, kunua. Muambi Eliya kuya ku lusongu lua mukuna wa Karmele. Kuinamayemu panshi bikole, mutue mpala pankatshi pa binu biende.

2 Kulondolola 26:10

Uvua muibake kabidi ne bibumba bia batentekedi mu buloba bua mu tshipela. Uvua mumbule bina bia mayi bia bungi, bualu uvua ne bimuna bivule ku muelelu wa Mayi manene, ne mu mpata. Uvua kabidi ne babidime, ne bena mudimu ba mitshi ya mvinyo pa mikuna, ne mu madimi a mvinyo, bualu uvua mupite kunanga didima.

Yoshua 15:55

Kuvua kabidi bimenga ebi: Mayone, Karmele, Zife, Yuta,

1 Samuele 13:12

Mvua muele meji ne: Bena Peleshete nebafike mu Ngilgale bua kutuluisha, katuyi banji kulambula mulambu bua Maweja-Nangila atuambuluishe. Ke pandi mulambule mulambu wa kuosha meme nkayanyi.

1 Samuele 13:15

Samuwele kumuka mu Ngilgale, kuya luseke lukuabu. Bena mvita bavua bashale, kuyabu ne Shawule. Kumukabu ku Ngilgale kuyabu ku Ngibeya wa bena Binyamine, muaba uvua bena mvita bende bakuabu. Shawule kutentekela bena mvita bonsu, batshivuaye mushale nabu. Bavua bu nkama isambombu.

1 Samuele 17:20

Butshia dinda, Davide kushiya mikoku yende kudi mulami mukuabu. Kuangataye bintu bivuaye ne bua kuya nabi. Kuyaye muvua tatuende Ishayi mumutumina diyi. Kufikaye mu mitanda diba divu bena mvita bela mualu wa mvita, bela mbila bua kuya ku mvita.

1 Samuele 25:2

Mu musoku wa Mayone muvua muntu mubanji. Uvua ne mikoku binunu bisatu ne mbuji tshinunu. Uvua kabidi ne mpangu yende ku musoku wa Karmele. Muntu ewu, uvua muye ku Karmele bua kukosa miosa ya bimuna biende.

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”