1 Samuele 15:1 - MUKANDA WA MYIDI MUKULU

¹ Samuwele kuambila Shawule ne: — Ku kale, Maweja-Nangila uvua muntume bua kukujidila, bua ushale mukalenga wa bantu bende bena Izrayele. Nanku, teleja tshindi musue kukuambila mu dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹ Samuele wakambila Shaula ne, Yehowa wakantuma kûdi bua kukuela manyi ha mutu bua wewe kuikala mukelenge ku mutu kua bantu bandi Bena Isalele; nunku unvue biebe mei a Yehowa.

1 Samuele 15:1 ပူးပေါင်းရင်းမြစ်များ

2 Bakalenga 7:1

Muambi Elisha kuandamuna ne: — Telejayi bonsu! Maweja-Nangila udi wamba ne: “Malaba pa diba ditudi edi, mu tshisalu tshia mu Samariya, bantu nebasumbishangane kilo ya bukula dikumi ne ibidi, nansha kilo ya ntete ya oije makumi abidi ne inayi, anu ku lukanu lumue lua tshiamu tshitoke tshia mushinga mukole.”

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 12:14

Mpindiewu, nenuikale bena diakalenga anu panuikala banemeka Maweja-Nangila Mvidi Mukulu wenu, numuenzela mudimu, numutumikila kanuyi numutombokela, nukumbaja mikenji yende, nuenu ne mukalenga wenu, numulonda.

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

1 Samuele 9:15

Kadi muladilu wa dituku adi, Maweja-Nangila uvua mumane kumanyisha Samuwele muvuabu ne bua kupetangana ne Shawule. Mmumuambile ne:

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”