1 Samuele 14:5 - MUKANDA WA MYIDI MUKULU

⁵ Lubuebue lua kumpala luvua ku mutu, lutangilangane ne Mikmase. Luibidi luvua kuinshi, lutangilangane ne Ngeba.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Dibue dikuabo diakadi ku node ku mpala kua Mikemasha, ne dinga dibue diakadi ku sude ku mpala kua Geba.

1 Samuele 14:5 ပူးပေါင်းရင်းမြစ်များ

1 Kulondolola 3:6

Davide uvua mulele kabidi bana bakuabu ba balume tshitema: ke Ibare, Elishuwa, Elpelete, Noga, Nefege, Yafiya, Elishama, Eliyada ne Elifelete.

Yeshaya 10:28

bafika pabuipi ne tshimenga tshia Ayate, bapitshila mu Migrone, bashiya mabuki abu mu Mikmase.

Yeshaya 10:29

Kupitshilabu mu lupongu. Kuambilanganabu ne: “Tuasayi mitanda mu Ngeba. Badi mu Rama badi ne bowa. Badi mu Ngibeya, tshimenga tshia Shawule, badi banyema.

1 Samuele 13:11

Samuwele kumuebeja ne: — Tshiudi wenza muaba ewu ntshinyi? Shawule kuandamuna ne: — Ndi muenze nanku, bualu bena mvita bavua batuadija kunshiya, batangalaka. Wewe kuena mufike bu muuvua muambe to. Kabidi ndi mumanye ne: bena Peleshete mbadisangishe ku Mikmase.

1 Samuele 13:2

Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

1 Samuele 13:23

Tshisumbu tshia bena mvita ba bena Peleshete kuya kuela mualu wa mvita mu njila wa ku Mikmase.

1 Samuele 13:3

Dituku dikuabu, Yonatane kushipa mfumu mukuabu wa bena Peleshete uvua musombele mu Ngeba. Bena Peleshete kumvua lumu lua bualu abu. Shawule kuelesha mpungi mu ditunga dijima, bualu uvua wela meji ne: “Mbimpe bua bena Ebrewu bamanye bualu ebu.”

1 Samuele 14:31

Dituku adi, bena Izrayele kuipata, balondakaja bena Peleshete biangatshile ku Mikmase too ne ku Ayalone. Bavua bapungila bikole.

1 Samuele 14:4

Bua kufika muaba uvua bena mvita ba bena Peleshete, Yonatane kupitshila pankatshi pa mbuebue ibidi ivua miondoke. Mbuebue ayi, bavua bayibikila, elu ne: Bosese, lukuabu ne: Sene.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.