1 Samuele 14:36 - MUKANDA WA MYIDI MUKULU

³⁶ Ke Shawule kutumina bena Izrayele diyi ne: — Tuyayi butuku ebu, tulondakaje bena Peleshete. Mubanyenge bintu biabu, too ne muatshia butuku. Katushiyi muntu nansha umue ne muoyi to. Bena mvita kuandamuna ne: — Enza muudi musue. Kadi mutuangaji Akiya kuamba ne: — Bangabanga, tuebeje Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Shaula wakamba ne, Tuyai, tulonde Bena Peleshete butuku ebu, tukuate bintu biabo tô ne hatshiabu: katubashidi nansha muntu wabo umue. Bakamba ne, Wenze tshionso tshidi tshimpe ku mesu kuebe. Hashishe muakuidi wakamba ne, Tusemenai ha buihi ne Nzambi.

1 Samuele 14:36 ပူးပေါင်းရင်းမြစ်များ

Misambu 73:28

Kuikala nebe pabuipi ndiakalenga dianyi. Maweja-Nangila, ndi ntekemena kuudi, mmanyisha bantu bionsu biudi muenze.

Yeshaya 58:2

Badi bankeba ku dituku ku dituku, basue kumanya tshindi meme musue bua benze. Badi bu bena ditunga dia bantu badi benza bimpe, badi bakumbaja meyi avuabu bapete kudi Mvidi Mukulu wabu. Badi bandomba bua meme kukosa nsambu amu pa yoyi. Badi bajinga kuikala pabuipi nanyi.

Yirmeya 6:5

Kakuena bualu! Jukayi, tuluishe Yerushalayime butuku. Tunyangakaje nzubu yende mimpe.”

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

Yoshua 10:19

Kadi kanunengakanyi muaba awu to. Londakajayi baluishi benu. Bajikilayi njila, bua kabafiki mu bimenga biabu to. Bualu Maweja-Nangila Mvidi Mukulu wenu mmumane kubafila mu bianza bienu.

Yoshua 11:14

Bena Izrayele kuangata bimuna ne bintu bivuabu basangana mu bimenga abi. Kadi bavua babutula bantu bonsu. Kabawa bashiye muntu nansha umue ne muoyi to.

1 Samuele 1:23

Elkana kuandamuna ne: “Mbimpe muudi mumane kulongolola amu. Nanku ushale ne muana too ne palekelaye dibela. Maweja-Nangila nkayende akumbaje bualu buvuaye mumane kulaya.” Nanku Ane kushala mu Rama bua kuamusha muanende.

1 Samuele 11:11

Butshia dinda, Shawule kutapulula bena mvita bende mu bisumbu bisatu. Kubuelabu munkatshi mua mitanda ya baluishi babu, butuku kabuyi buanji kutshia. Kushipabu bena Amone too ne munda munya. Bena Amone bavua bashala ne muoyi kutangalaka bonsu. Muntu yonsu uvua ukeba anu mua kudipandisha, kabayi nansha mua kunyema babidi babidi to.

1 Samuele 14:3

Mutuangaji uvua muimane muaba awu, ne bintu bia tshijila bivua bibambuluisha mua kuebeja Mvidi Mukulu malu. Mutuangaji awu, dina diende Akiya, muana wa Akitube. Akitube uvua muanabu ne Ikabode (Ikabode uvua muana wa Pinhase, kabidi muikulu wa Eli. Eli ke uvua mutuangaji wa Maweja-Nangila ku Silo.) Ku bena mvita bonsu, muntu nansha umue kavua mumanye ne: Yonatane mmuye kuluisha bena Peleshete to.