1 Samuele 14:33 - MUKANDA WA MYIDI MUKULU

³³ Kuambilabu Shawule ne: bena Izrayele mbenzele Maweja-Nangila bibi, bualu mbadie munyinyi, mutshikale ne mashi. Shawule kuela mbila ne: — Mbenze bualu bubi butambe! Bungulujayi lukasa dibue dinene, nufike nadi muaba undi ewu.

Mukanda wa Nzambi Dihungila Dikulukulu ne Dihungila Dihia-dihia 2003

³³ Bakambila Shaula ne, Mona, bantu badi benzela Yehowa bibi, bualu bua badi badia mashi. Yeye wakamba ne, Nuakuenza bualu bubi; bungulushai dibue dinene kundi eku.

1 Samuele 14:33 ပူးပေါင်းရင်းမြစ်များ

Genese 9:4

Kadi kanuena mua kudia munyinyi wa nyama muikale ne mashi. Bualu muoyi wa tshintu udi mu mash atshi.

Lewitiki 17:10

“Padi muena Izrayele nansha muenyi udi munkatshi mua bena Izrayele, udia mashi a mushindu onsu, nanku Maweja-Nangila neamunyoke, amuipate munkatshi mua bena Izrayele.

Lewitiki 19:26

“Kanudidi munyinyi wa nyama pa muaba muine unuvua bamushipe, bamupatuile mashi to. Kanuenji majimbu, kanubuki to.

Lewitiki 7:26

Nanku muaba onsu unudi basomba kanuena mua kudia kabidi mashi a nyunyi, nansha a nyama too ne kashidi.

Lewitiki 7:27

Padi muntu udia mashi, bamuipate munkatshi mua bena Izrayele.”

Matayi 7:5

Muena mpala ibidi we, bangabanga umusha mutshi munene mu disu diebe, nenku neumone bimpe bua kumusha kasosa kadi mu disu dia muanenu.

Bienzedi 15:20

Kadi tubafundile mukanda, tubambile ne: kanudi minyinyi ya nyama ivuabu balambule nwidie, bualu idi ne mikiya; nulekele buendenda; kanudi minyinyi ya nyama mishipa kayiyi mipatule mashi, nansha mashi mene.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Dielulula 12:16

Kadi kanuena mua kudia mashi a nyama to. Nualekele, apueke panshi bu mayi.

Dielulula 12:23

Kadi numanye ne: Kanuena mua kudia mashi a nyama to. Bualu mu mashi ke mudi muoyi. Nanku kanuena mua kudia munyinyi, kudia kabidi ne muoyi to.

Dielulula 15:23

Kadi misangu yonsu, kanudi mashi a tshimuna to. Nualekele, apueke panshi bu mayi.

1 Samuele 14:34

Pashishe, nuye kudi bantu, nubambile bafike muaba undi ewu. Muntu yonsu ikale ne wende ngombe, nansha mukoku. Bashipele nyama yabu ayi muaba ewu, pashishe nebayidie. Nanku kabakuenzela Maweja-Nangila bibi, padibu badia munyinyi, mutshikale ne mashi. Dilolu adi, muntu yonsu kufika ne nyama wende, kumushipelaye muaba awu.