1 Samuele 14:27 - MUKANDA WA MYIDI MUKULU

²⁷ Kadi Yonatane kavua mumanye ne: tatuende Shawule mmuenzeje bantu bua kuditshipabu to. Nanku, Yonatane kuolola dikombu divuaye nadi, kutua lusongu lua dikombu mu buitshi, kuelaye buitshi mukana. Ke muisu kubutama, dipungi kujika.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Kadi Yonatana kakunyua hakakandika tatu wandi bantu ne mutshihu: nunku yeye wakatua lusongo lua mulangala wakadi mu tshianza tshiandi mu dihula dia buitshi, wakela tshianza mukana muandi; mesu andi akatanduka.

1 Samuele 14:27 ပူးပေါင်းရင်းမြစ်များ

Nsumuinu 24:13

Udie buitshi, muananyi, bualu buitshi mbusheme mukana, kabidi budi bukolesha mubidi.

Nsumuinu 25:26

Bu mudi mayi mabi avuandulula mushimi nansha mpokolu, ke mudi muntu mubi unyanga muntu muimpe udi utekemena kudiye.

1 Samuele 14:28

Muena mvita mukuabu kuambila Yonatane ne: — Tatuebe Shawule uvua mutuenzeje bua tuetu kuditshipa, mutukanyine ne: “Pikala muntu mudie biakudia lelu, muntu awu mmuena tshibawu!” Ke padi bantu bonsu bapungila bua nzala!

1 Samuele 14:29

Yonatane kuamba ne: — Tatu mmukengeshishe ditunga edi! Mona katshia ngadia buitshi bukese, ndi mupete bukole.

1 Samuele 14:43

Ke Shawule kuambila Yonatane ne: — Unsokoluele bualu buudi muenze. Yonatane kuandamuna ne: — Mvua muangate buitshi bukese ku lusongu lua dikombu dianyi, meme kudia. Mpindiewu ndi amu mua kufua.

1 Samuele 30:12

Pashishe kumupeshabu mukata muenze ne bimuma bia mfiku. Kumupeshabu kabidi ne bisangi bibidi bia tumuma tua mvinyo tumane kuuma. Nsongalume wa bena Ejipitu, mumane kudia bintu abi, kupetaye bukole. Bualu kavua mudie tshintu nansha munue mayi, matuku asatu a munya ne a butuku.