1 Samuele 14:23 - MUKANDA WA MYIDI MUKULU

²³ Ke muvua Maweja-Nangila muambuluishe bena Izrayele bua kutshimuna bena Peleshete dituku adi nanku. Mvita kutungunuka too ne dishiya dia Bete-Avene.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nunku Yehowa wakasungila Bena Isalele dituku adi; bakaluangana nʼabo tô ne ku Bete-awena.

1 Samuele 14:23 ပူးပေါင်းရင်းမြစ်များ

2 Bakalenga 14:27

Kadi, bu muvua Maweja-Nangila kayi musue kubutula bena Izrayele, kubatuminaye Yerobowame, muana wa Yowashe, bua kubasungidila.

1 Kulondolola 11:14

Elazare ne bantu bavuaye nabu bavua bela mualu wa mvita munkatshi mua budimi abu. Kutangalajabu bena Peleshete, kubatshimuna. Maweja-Nangila uvua muambuluishe bena Izrayele bua batshimune, badie lumu.

2 Kulondolola 32:22

Ke muvua Maweja-Nangila mupandishe Izkiya ne bena Yerushalayime ku bianza bia Senakeribe mukalenga wa bena Ashure, ne ku bianza bia baluishi babu bakuabu. Maweja-Nangila kubueja ditalala miaba mikuabu yonsu.

Ekesode 14:30

Dituku adi ke divua Maweja-Nangila musungidile bena Izrayele ku bianza bia bena Ejipitu. Bena Izrayele kumona bitalu bia bena Ejipitu ku muelelu wa mayi.

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Dielulula 20:4

Maweja-Nangila Mvidi Mukulu wenu udi nenu. Neanuluile mvita ayi, bua nuenu kubatshimuna!”

Yoshua 7:2

Pavua Yoshuwa mu Yeriko, uvua mutume bantu bua kutentekela tshimenga tshia Ayi. Ayi uvua luseke ludi diba dipatukila lua tshimenga tshia Betele, pabuipi ne tshimenga tshia Bete-Avene. Bobu bamane kutentekela tshimenga,

Balombodi 2:18

Misangu yonsu ivua Maweja-Nangila utumina bena Izrayele mulombodi, Maweja-Nangila nkayende uvua ku luseke lua mulombodi awu. Nanku Maweja-Nangila ke uvua usungidila bena Izrayele mu bianza bia baluishi, matuku onsu avua mulombodi awu ne muoyi. Maweja-Nangila uvua ufuila bena Izrayele luse, pavua-bu badila, banyingalala bua mushindu uvuabu babakengesha kudi baluishi babu.

1 Samuele 10:19

Kadi mpindiewu, nuenu bena Izrayele, nudi babenga Mvidi Mukulu uvua munupandishe matuku a dikenga ne a kanyinganyinga. Nuenu kumulomba ne: “Tupeshe mukalenga.” Nanku fikayi kumpala kua Maweja-Nangila, balondangane mu bisamba bienu ne mu meku enu.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”