1 Samuele 14:20 - MUKANDA WA MYIDI MUKULU

²⁰ Shawule kusangisha bena mvita bende, kuyabu mu mvita. Kadi, kusanganabu baluishi babu baluangana nkayabu mu tshimvundu tshinene.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Shaula ne bantu honso bakadi nʼandi bakunguila hamue, bakalua bua kuluangana nvita; ne monai, muntu ne muntu wakatuisha mukuandi, kuakadi tshintompatompa tshinene.

1 Samuele 14:20 ပူးပေါင်းရင်းမြစ်များ

1 Bakalenga 20:21

Ke muvua mukalenga wa bena Izrayele muluishe Benadade. Uvua mubutule nyama ya tubalu yonsu, munyangakaje matempu a mvita onsu, mushipe bena mvita ba bena Siriya bapite bungi.

2 Kulondolola 20:23

Bena Amone ne bena Mowabe kutuadija kuluisha bena Edome, kubashipa bonsu. Pashishe bena Amone ne bena Mowabe kushipangana nkayabu.

Yeshaya 19:2

Maweja-Nangila udi wamba ne: “Nensonsole bena Ejipitu, bua baluishangane bobu nkayabu. Muntu nealuangane ne muanabu, tshimenga netshiluishe tshikuabu, bukalenga nebuluishe bukuabu.

Yezekiyele 38:21

Nenkukuatshishe bowa mishindu yonsu. Meme Maweja-Nangila Mvidi Mukulu, ndi njadika nanku. Bena mvita bebe nebashipangane munkatshi muabu.

Balombodi 7:22

Pavua bena mvita abu nkama isatu bela mpungi, Maweja-Nangila uvua usaka bena Madiyane bua bashipangane nkayabu mu mitanda yonsu. Ku nshikidilu, bena Madiyane bavua bashala, kunyema too ne ku Bete-Shita luseke lua ku Sereda, nansha too ne ku tshimenga tshia Abele-Mekola, pabuipi ne Tabate.

1 Samuele 14:16

Batentekedi ba Shawule bavua ku Ngibeya, tshimenga tshia bena Binyamine, kumona bena Peleshete bavule banyemakane nseke yonsu.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”