1 Samuele 14:18 - MUKANDA WA MYIDI MUKULU

¹⁸ Nanku Shawule kuambila mutuangaji Akiya ne: — Ambula mushete wa ndondu wa Maweja-Nangila, ufike nawu apa. (Dituku adi mushete wa ndondu uvua mu mitanda ya bena Izrayele).

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Shaula wakambila Ahiya ne, Lua ne mushete wa Nzambi kundi. Bualu bua mushete wa Nzambi wakadi ne Bena Isalele tshikondo atshi.

1 Samuele 14:18 ပူးပေါင်းရင်းမြစ်များ

2 Samuele 11:11

Uriya kuandamuna ne: — Mukalenga, mushete wa tshijila wa Maweja-Nangila udi anu mu ntenta, ne bena mvita bonsu ba bena Izrayele, ne ba bena Yuda kabidi badi balala amu mu ntenta. Yowabe mfumu wa bena mvita, ne balombodi bebe bonsu ba bena mvita, mbase mitanda anu mu mpata. Kadi matuku a mushindu ewu, meme ndi mua kuya ku nzubu kuanyi bua kudia, kunua, ne kubuelela mukajanyi mu nzubu anyi? Ndi nditshipa ne: kashidi tshiena mua kuenza bualu bua mushindu ewu nansha kakese!

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Balombodi 20:18

Bena Izrayele kuya ku Betele, kuebeja Mvidi Mukulu bua kumanya tshisamba tshia ku bisamba biabu tshivua mua kudianjila kuya kuluisha bena Binyamine. Maweja-Nangila kuleja tshisamba tshia Yuda.

Balombodi 20:23

Maweja-Nangila kuitaba bua baye kuluangana. Nanku bena mvita ba bena Izrayele kupeta bukole. Kuelabu mualu wa mvita, anu muaba uvuabu bimanyine dituku dikuabu.

1 Samuele 14:17

Shawule kutumina bena mvita bende diyi ne: — Balanganayi, nungambile muntu udi kayi munkatshi muenu. Kusanganabu ne: Yonatane ne nsongalume wende kabavuaku to.

1 Samuele 14:36

Ke Shawule kutumina bena Izrayele diyi ne: — Tuyayi butuku ebu, tulondakaje bena Peleshete. Mubanyenge bintu biabu, too ne muatshia butuku. Katushiyi muntu nansha umue ne muoyi to. Bena mvita kuandamuna ne: — Enza muudi musue. Kadi mutuangaji Akiya kuamba ne: — Bangabanga, tuebeje Mvidi Mukulu.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

1 Samuele 5:2

Kutekabu mushete awu mu nzubu wa mvidie wabu Dagone, ku luseke lua lupingu lua Dagone.

1 Samuele 7:1

Bena Kiriyate-Yeyarime kuya kuangata mushete awu. Kuyabu nawu mu nzubu wa Abinadabe uvua muasa pa kakuna. Pashishe, kujidilabu Elazare, muana wa Abinadabe, bua kuikalaye ulama mushete wa Maweja-Nangila.