1 Samuele 14:15 - MUKANDA WA MYIDI MUKULU

¹⁵ Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bantu bonso bakadi mu tshitudilu ne mu madimi kabidi bakazakala; ne masalayi ne bambudi ba bintu bakazakala; buloba buakakanka kabidi, nunku kukanka kunene kua buloba kuakadiku.

1 Samuele 14:15 ပူးပေါင်းရင်းမြစ်များ

Genese 35:5

Yakobe ne bonsu bavuaye nabu, kumukabu muaba awu. Mvidi Mukulu kukuatshisha bantu bonsu ba mu bimenga bivua nabu mutumba bowa bukole. Kupangabu mua kulondakaja Yakobe ne bana bende.

2 Samuele 5:24

Kadi paumvua mikuma ku nsongu ya mitshi, ujuke lukasa, utuadije kubaluisha. Diba adi, meme Maweja-Nangila nempite kumpala kuebe bua kutshimuna bena mvita ba bena Peleshete.

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

Misambu 14:5

Kadi diakamue nebakuatshike bowa, bualu Maweja-Nangila neafike bua kuambuluisha bende.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Danyele 5:6

mpala wende kutokoloka, meji kulubakana, bowa kumukuata, luzakalu kumupangisha luendu.

Matayi 24:6

Nenumvue mutoyi wa myita ya pabuipi, ne ngumu ya myita ya kule. Kadi kanutshinyi to. Ebi bionsu bidi ne bua kuenzeka; kadi ki nshikidilu wa buloba to!

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Balombodi 7:21

Kuimanabu nseke yonsu ya mitanda. Muntu yonsu uvua pa muaba wende. Kadi mu mitanda bantu bonsu bavua banyema, bela mbila, batshina.

1 Samuele 13:17

Dituku dikuabu, bantu ba bena Peleshete bavua bamanye mvita bikole, kupatuka mu mitanda, kutapulukabu mu bisumbu bisatu. Tshisumbu tshia kumpala kulonda njila wa Ofra, mu buloba bua Shuwale.

1 Samuele 13:18

Tshisumbu tshibidi kulonda njila wa ku Bete-Orone. Tshisumbu tshisatu kulonda njila udi ku mukalu udi ulonda tshibandabanda tshia Seboyime, luseke lua ku tshipela.

1 Samuele 13:23

Tshisumbu tshia bena mvita ba bena Peleshete kuya kuela mualu wa mvita mu njila wa ku Mikmase.

1 Samuele 14:14

Ku mvita eyi ya kumpala, Yonatane ne muena mudimu wende bavua bashipa bena Peleshete makumi abidi, babashipela muaba mufinakane.

1 Samuele 14:16

Batentekedi ba Shawule bavua ku Ngibeya, tshimenga tshia bena Binyamine, kumona bena Peleshete bavule banyemakane nseke yonsu.

1 Samuele 7:10

Nanku, patshivua Samuwele ulambula mulambu, bena Peleshete bavua bamane kusemena pabuipi, bua kuluisha bena Izrayele. Kadi Maweja-Nangila kudidisha makubakuba makole. Bena mvita ba bena Peleshete kupapuka bikole ne bowa, bena Izrayele kutshimuna bena Peleshete.