1 Samuele 14:12 - MUKANDA WA MYIDI MUKULU

¹² Nanku kubikilabu Yonatane ne nsongalume wende, bela mbila ne: — Bandilayi kuneku! Tudi basue kunuambila bualu. Ke Yonatane kuambila nsongalume ne: — Tubande, undonde panyima. Maweja-Nangila mmumane kubafila mu bianza bia bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Masalayi akambila Yonatana ne muambudi wa ngabu wandi ne, Luai kunoko, neanuleshe bualu. Yonatana wakambila muambudi wa ngabu wandi ne, Lua, undonde, bualu bua Yehowa wakamana kubafila mu bianza bia Bena Isalele.

1 Samuele 14:12 ပူးပေါင်းရင်းမြစ်များ

Genese 24:42

Lelu mfika ku tshiina tshia mayi, meme kutendelela ne: “Maweja-Nangila, Mvidi Mukulu wa mfumuanyi Abrahame, ndi nkusengelela ne: ungendeshe diakalenga mu luendu elu.

Genese 24:48

Meme kutua binu panshi bua kuela Maweja-Nangila, Mvidi Mukulu wa mfumuanyi Abrahame, tuasakidila. Bualu uvua mungendeshe diakalenga, tshiyi mupete njiwu. Mmumfikishe ne mu diku dia mfumuanyi. Nanku ndi mua kuya ne nsongakaji ewu kudi muana wa mfumuanyi.

2 Samuele 5:24

Kadi paumvua mikuma ku nsongu ya mitshi, ujuke lukasa, utuadije kubaluisha. Diba adi, meme Maweja-Nangila nempite kumpala kuebe bua kutshimuna bena mvita ba bena Peleshete.

2 Bakalenga 14:8

Pashishe, Amashiya kutuma bantu kudi mukalenga wa bena Izrayele Yowashe, muana wa Yowakaze, ne muikulu wa Yehu. Bantu abu, kuya kuambila Yowashe ne: “Luaku tuluangane nebe.”

Balombodi 4:14

Ke Debora kuambila Barake ne: — Juka! Lelu Maweja-Nangila neafile Sisra mu bianza biebe. Maweja-Nangila nkayende udi wenda kumpala kuebe! Barake kutuluka ku mukuna wa Tabore. Bantu bende binunu dikumi kumulonda.

Balombodi 7:14

Mulunda wende kumuandamuna ne: — Tshilota etshi katshiena tshileja bualu bukuabu to, tshidi tshileja anu muele wa mvita wa Ngideyone, muena Izrayele, muana wa Yowashe. Mvidi Mukulu mmumane kujadika bua kutufila mu bianza biende ne mitanda yetu yonsu.

Balombodi 7:15

Ngideyone umvua amu tshilota atshi, ne dijingulula diatshi, kuinyikaye mutu panshi bua kuela Mvidi Mukulu tuasakidila. Pashishe kupinganaye mu mitanda ya bena Izrayele, wela mbila ne: — Jukayi, Maweja-Nangila mmumane kunupa mitanda ya bena Madiyane!

Balombodi 9:54

Diakamue Abimeleke kubikila muana wa balume uvua muambule bia mvita biende. Kumuambilaye ne: — Angata muele webe, unshipe, bua bantu kabambi ne: muntu mukaji mmushipe Abimeleke. Muana wa balume awu kutua Abimeleke muele, kuabulukangana. Abimeleke kufua.

1 Samuele 14:10

Kadi pikalabu batubikila ne: “Bandilayi kuneku,” netuye kudibu. Nenku, ke tshimanyinu tshidi tshitujadikila ne: Maweja-Nangila mmubafile mu bianza bietu.

1 Samuele 14:13

Yonatane kubanda, wenda ukalaba ne bianza ne makasa, nsongalume wende wenda umulonda. Ke Yonatane kutapa bena Peleshete, nsongalume wende ubashipa, ubalunguluja.