1 Samuele 14:1 - MUKANDA WA MYIDI MUKULU

¹ Dituku dikuabu, Yonatane, muana wa Shawule, kuambila nsongalume uvua umuambuila bia mvita biende ne: — Luaku, tuye too ne kudi tshisumbu tshia mvita tshia bena Peleshete tshidi dishiya kuaka, batangilangane netu. Kadi Yonatane kavua mumanyishe tatuende bualu ebu to.

Mukanda wa Nzambi Dihungila Dikulukulu ne Dihungila Dihia-dihia 2003

¹ Dituku dikuabo Yonatana, muana mulume wa Shaula, wakambila nsongalume, muambudi wa ngabu wandi ne, Lua, tuye bietu kudi masalayi a Bena Peleshete adi dishiya dia muamua. Kadi yeye kakambila tatu wandi nansha.

1 Samuele 14:1 ပူးပေါင်းရင်းမြစ်များ

Mika 7:5

Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Balombodi 14:6

Mueyelu wa Maweja-Nangila kutulukila Shimeshone. Awu uvua anu bianza bitupu. Kadi kupandaye muana wa ntambue awu bipese, amu bu udi upanda kana ka mbuji. Kadi Shimeshone kena muambile baledi bende bionsu bivuaye muenze abi to.

Balombodi 14:9

Shimeshone kupatula buitshi, kuteka mu bianza, wenda udia mu njila. Pashishe, kufikaye muaba uvua tatuende ne mamuende. Kubapeshaye buitshi abu bua kudiabu. Kadi kena mubambile ne: buitshi ebu, ndi mubupatule munda mua nyama wa ntambue undi mushipe awu to.

Balombodi 6:27

Ngideyone kusungula bena mudimu bende dikumi, bua kuenzabu bionsu bivua Maweja-Nangila muambe. Kadi kuenzaye bionsu abi amu butuku, bualu uvua utshina kubienza mu munya, bualu bua bena diku diabu, ne bua bena musoku wabu.

1 Samuele 13:2

Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

1 Samuele 13:22

Dituku dia kuluangana mvita, bena mvita ba Shawule ne ba Yonatane kabawa ne miela nansha ne mafuma to. Anu mukalenga Shawule ne muanende Yonatane ke bavua nabi.

1 Samuele 13:23

Tshisumbu tshia bena mvita ba bena Peleshete kuya kuela mualu wa mvita mu njila wa ku Mikmase.

1 Samuele 14:2

Tatuende uvua pabuipi ne Ngibeya, musombe muinshi mua mutshi wa grenadier mu Migrone. Uvua ne bena mvita bu nkama isambombu.

1 Samuele 25:19

Pashishe kutuminaye bena mudimu bende diyi ne: — Pitayi kumpala, meme ndi nnulonda. Abiyayile kavua muambile bayende Nabale to.