1 Samuele 13:7 - MUKANDA WA MYIDI MUKULU

⁷ Bantu bakuabu kusabuka musulu wa Yardene bua kusokoma mu buloba bua Ngade ne bua Ngilaade. Diba adi, Shawule utshivua anu mu Ngilgale. Bena mvita bonsu bavuaye nabu bavua bazakala bua bowa.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bena Ebelu bakuabo bakadi basabuka musulu wa Yadene ku buloba bua Gada ne bua Gilada; kadi Shaula wakatshidi mushale mu Gilegala, ne bantu bonso bakadi bamulonda bazakala.

1 Samuele 13:7 ပူးပေါင်းရင်းမြစ်များ

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Dielulula 20:8

Pashishe balombodi ba bena mvita nebambe kabidi ne: “Pikala muntu kayi ne muoyi mukole, utshina, mbimpe apingane kuende. Bualu udi mua kupumbisha bakuabu mua kuluangana.”

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 3:12

Ke mutuvua bakuate ditunga didi ku mutu kua tshimenga tshia Aroyere, tshidi pabuipi ne musulu wa Amone. Meme Moshe, mvua mupeshe ndelanganyi ya Rubene ne ya Ngade tshitupa tshia ditunga dia mikuna dia Ngilaade, ne bimenga bionsu bivuamu.

Yoshua 13:11

Muvua kabidi ditunga dia Ngilaade, dia Ngeshure ne dia Maaka, mukuna wa Ermone, ne ditunga dijima dia Bashane too ne ku Salka.

Yoshua 13:8

Bisamba bia bena Rubene ne bena Ngade, ne tshia bibidi tshia tshisamba tshia bena Menashe, bivua bimane kupeta maloba awa ku musulu wa Yardene, luseke luawu ludi diba dipatukila. Moshe, muntu wa Maweja-Nangila, uvua mumane kubabanyina maloba awu.

Balombodi 7:3

Uye kuambila bena mvita bebe ne: “Bena mvita bonsu badi ne bowa, bazakala, bumuke ku mukuna wa Ngilaade, bapingane kuabu.” Bena mvita binunu makumi abidi ne bibidi kupingana. Bena mvita kushala binunu dikumi.

1 Samuele 13:8

Shawule ne bena mvita bavuaye nabu bavua bindila, matuku muanda mutekete, difika dia Samuwele bu muvuaye mubalaye. Kadi Samuwele kavua mufike ku Ngilgale to. Nanku bena mvita kutuadija kumuka kudi Shawule, kutangalakabu.

1 Samuele 17:11

Shawule ne bena mvita bende bonsu, bumvue miaku ya muena Peleshete ayi, kukuatshikabu bowa bunene.

1 Samuele 31:7

Bena Izrayele bavua base luseke lukuabu lua tshibandabanda, ne bavua dishiya dia Yardene, kumvuabu lumu ne: bena mvita ba bena Izrayele mbanyeme bena Peleshete, kabidi ne: Shawule ne bana bende mbafue mu mvita amu. Nanku bena Izrayele kunyema, kushiya bimenga biabu. Bena Peleshete kuasa mu bimenga abi.