1 Samuele 13:6 - MUKANDA WA MYIDI MUKULU

⁶ Bena Izrayele bamone baluishi bamane kubafinakaja, kuyabu kusokoma ku mikuna mu biina, mu mikela, mu mbuebue, mu nyongolu ne mu milundu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakatangila Bena Isalele ne didi munkatshi mua malu makole (bualu bua bantu bakadi ne ntatu), nunku bakasokoma mu mbuebue ne mu bisuku ne mu mabue ne mu miaba mikuabo ya kusokoma ne mu mena a mikela.

1 Samuele 13:6 ပူးပေါင်းရင်းမြစ်များ

2 Samuele 24:14

Davide kuandamuna ne: — Ndi munkatshi mua dikenga dikole…Kadi, ndi musue kushala anu mu bianza bia Maweja-Nangila pa mutu pa kuikala mu bianza bia bantu. Bualu Maweja-Nangila udi ne luse.

Yeshaya 42:22

Kadi mona bantu bende, bavua babanyenge bintu, babapawule bikuabu. Bena diende bonsu bakadi bena lukanu. Bavua bahele mu nzubu wa lukanu, babatangile bu bintu binyenga mu mvita. Bavua baye nabu ku bukole, kakuyi wa kutua nkanana, kakuyi uvua mua kubulula mukana ne: “Nubapingaje kutudi.”

Yirmeya 41:9

Tshiina tshia mayi tshivua Ishemayele muele bitalu bia bantu aba bavuaye mushipe, tshivua tshiina tshinene tshivua mukalenga Asa mutume diyi bua kumbula, pavuaye uluangana mvita ne Basha, mukalenga wa Izrayele. Ishemayele uvua mutshiuwuje ne bitalu.

Yezekiyele 33:27

Ubambile miaku eyi mu dina dianyi: “Meme Maweja-Nangila Mvidi Mukulu udi ne muoyi ndi nnumanyisha ne: Nebashipe bonsu badi bashala mu bimenga bivuabu babutula. Badi mu mpata nebabadie kudi nyama ya ditu. Badi basokome mu mikuna ne mu mbuebue, nebafue ku disama dia tshiambu.

Filipe 1:23

Badi bankoka eku ne eku: luseke ndi musue kushiya panu, bua kuikala ne Kristu. Ke bivua mua kuikala bipite buimpe.

Ebrewu 11:38

Buloba kabuvua buakanyine bantu abu! Bavua bendakana mu bipeta ne mu mikuna, basomba mu mbuebue ne mu mena mu buloba.

Yoshua 8:20

Bena mvita ba mu tshimenga tshia Ayi, batangile panyima, bavua bamona muinshi ujukila mu tshimenga tshiabu. Kumonabu ne: katuena mua kupingana kabidi muetu mu tshimenga. Bualu bena Izrayele bavua banyemena batangile ku tshipela, bavua bapingana kudi bena Ayi bua kubaluisha.

Balombodi 10:9

Bena Amone kusabuka mene Yardene, bua kuluisha bena tshisamba tshia Yuda, tshia Binyamine, ne tshia Efrayime. Nanku bena Izrayele kubuela mu dikenga dikole.

Balombodi 20:41

Bena Izrayele kukudimukila bena Binyamine bua kubaluisha. Bena Binyamine kukuatshika bowa, bualu bavua bamone ne: tudi mu dikenga dikole!

Balombodi 6:2

Bena Madiyane kukengesha bena Izrayele bikole. Bua kunyema bena Madiyane, bena Izrayele kuya kusokoma mu milundu, mu njila ya mu mbuebue, ne mu miaba mikuabu ya mu mikuna mipulumuke.

1 Samuele 13:15

Samuwele kumuka mu Ngilgale, kuya luseke lukuabu. Bena mvita bavua bashale, kuyabu ne Shawule. Kumukabu ku Ngilgale kuyabu ku Ngibeya wa bena Binyamine, muaba uvua bena mvita bende bakuabu. Shawule kutentekela bena mvita bonsu, batshivuaye mushale nabu. Bavua bu nkama isambombu.

1 Samuele 14:11

Bonsu babidi, kuya kudileja kudi bena Peleshete. Bobu abu kuambilangana ne: “Akia! Monayi bena Ebrewu bapatuke mu biina muvuabu basokome.”

1 Samuele 14:22

Bena Izrayele bakuabu bonsu, bavua basokome mu buloba bua mikuna bua Efrayime, kumvuabu lumu ne: bena Peleshete mbanyema bena Izrayele. Ke kutuadijabu kulondakaja bena Peleshete, benda babaluisha.

1 Samuele 23:19

Bena mu Zife kuya ku Ngibeya kuvua Shawule, bamuambila ne: — Kuena mumanye ne: Davide mmusokome mu buloba buetu mu mbuebue idi ku mikuna ya Akila, pabuipi ne Orsha, kuinshi kua tshipela anyi?

1 Samuele 24:3

Kusungulaye bantu binunu bisatu, munkatshi mua bena mvita ba bena Izrayele. Kuyaye nabu, wenda ukeba Davide ne bantu bende, bavua basokome pabuipi ne lubuebue lua mbuji wa mpumbu.

1 Samuele 31:7

Bena Izrayele bavua base luseke lukuabu lua tshibandabanda, ne bavua dishiya dia Yardene, kumvuabu lumu ne: bena mvita ba bena Izrayele mbanyeme bena Peleshete, kabidi ne: Shawule ne bana bende mbafue mu mvita amu. Nanku bena Izrayele kunyema, kushiya bimenga biabu. Bena Peleshete kuasa mu bimenga abi.

1 Samuele 7:7

Bena Peleshete kumvua lumu ne: bena Izrayele mbadisangisha ku Mispa. Nanku, bamfumu batanu ba bena Peleshete kudilongolola bua kuluisha bena Izrayele. Bena Izrayele bumvua nanku, kukuatshikabu bowa.