1 Samuele 13:3 - MUKANDA WA MYIDI MUKULU

³ Dituku dikuabu, Yonatane kushipa mfumu mukuabu wa bena Peleshete uvua musombele mu Ngeba. Bena Peleshete kumvua lumu lua bualu abu. Shawule kuelesha mpungi mu ditunga dijima, bualu uvua wela meji ne: “Mbimpe bua bena Ebrewu bamanye bualu ebu.”

Mukanda wa Nzambi Dihungila Dikulukulu ne Dihungila Dihia-dihia 2003

³ Yonatana wakashiha masalayi a Bena Peleshete akadi mu Geba; Bena Peleshete bakunvua lumu elu. Shaula wakelesha mpungi ku nseke yonso ya buloba, wamba ne, Bena Ebelu bonso, unvuai.

1 Samuele 13:3 ပူးပေါင်းရင်းမြစ်များ

2 Samuele 2:28

Yowabe kuelesha mpungi. Bena mvita bende kulekela kulondakaja bena Izrayele. Nanku mvita kujika.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 23:14

Davide uvua pa mukuna uvuabu bakolesha ne bimana. Bena mvita ba bena Peleshete bavua bamane kukuata tshimenga tshia Betleyeme.

Yeshaya 10:29

Kupitshilabu mu lupongu. Kuambilanganabu ne: “Tuasayi mitanda mu Ngeba. Badi mu Rama badi ne bowa. Badi mu Ngibeya, tshimenga tshia Shawule, badi banyema.

Zekâya 14:10

Ditunga dijima didi dinyunguluka Yerushalayime, nedishale mpata, biangatshile ku Ngeba ku mutu wa ditunga, too ne ku Rimone, kuinshi mu ditunga. Yerushalayime neikale ku mutu kua misoku idi mimunyunguluke. Tshimenga etshi netshituadije ku tshiibi tshia Binyamine, too ne ku tshiibi tshia ku Ditumba, ku muaba uvua tshiibi tshia kale, ne ku kaleya ka Ananeyele, too ne ku bikaminu bia nwinyo bia Mukalenga.

Yoshua 18:24

Kefare-Amona, Ofni ne Ngeba. Bimenga bionsu ebi bivua dikumi ne bibidi, tusangishe ne misoku ivua mutumba.

Yoshua 21:17

Mu buloba bua bena Binyamine, bavua bapeta bimenga ebi: Ngibone, Ngeba,

Balombodi 3:27

Mumane kufika muaba awu, kuelaye mpungi bua kubikila bena Izrayele ba mu buloba bua mikuna bua bena Efrayime. Pashishe kupitaye kumpala kuabu bua kupueka nabu ku mukuna, ubambila ne:

Balombodi 6:34

Kadi Mueyelu wa Maweja-Nangila kutulukila Ngideyone. Awu kuela mpungi bua kubikila bantu ba mu diku dia Abiyezere bua bamulonde.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 13:16

Shawule kuasa mu Ngibeya wa bena Binyamine, ne muanende wa balume Yonatane, ne bena mvita bavuaye mushale nabu. Bena Peleshete bavua base mitanda yabu mu Mikmase.