1 Samuele 13:2 - MUKANDA WA MYIDI MUKULU

² Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

Mukanda wa Nzambi Dihungila Dikulukulu ne Dihungila Dihia-dihia 2003

² Shaula wakadisunguila Bena Isalele binunu bisatu: binunu bibidi biakadi ne Shaula mu Mikemasha ne ku mukuna wa Betele, ne tshinunu tshikuabo tshiakadi ne Yonatana mu Gibea wa mu buloba bua Benyamina; yeye wakatuma mundi ne mundi ku ntenta wandi wa mu bantu bakashala.

1 Samuele 13:2 ပူးပေါင်းရင်းမြစ်များ

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 21:6

Nanku batupeshe bantu balume muanda mutekete ba ku ndelanganyi ya Shawule. Netubowe kumpala kua Maweja-Nangila ku Ngibeya, mu tshimenga tshivuabu basombe kudi Shawule, mukalenga uvua Maweja-Nangila musungule. Mukalenga Davide kuitaba ne: — Eyowa, ndi nnupesha.

2 Samuele 23:29

Elebe, muana wa Baana, wa mu Netofa; Itayi, muana wa Ribayi, wa mu tshimenga tshia Ngibeya mu buloba bua bena Binyamine;

Ezela 2:27

mu musoku wa Mikmase, muvua bantu balume 122;

Nehemya 11:31

Pashishe, bena meku a tshisamba tshia Binyamine bavua basombe mu: Ngeba, Mikmase, Aya, Betele ne mu misoku ivua mutumba;

Yoshua 18:28

Sela, Elefe, tshimenga tshia bena Yebusa, mmumue ne: Yerushalayime, Ngibeya ne Kiriyate. Bimenga bionsu bivua dikumi ne binayi, tusangishe ne misoku ivua mutumba. Ke buloba bua bena Binyamine bilondeshile muvua meku abu.

Yoshua 22:6

Pashishe Yoshuwa kubela lupemba, kulayangana nabu, bua bapingane kuabu.

Balombodi 19:12

Mfumuende, muena Levi, kubenga, wamba ne: — Nansha kakese, katuena mua kuya mu tshimenga tshia bantu benyi, mudi kamuyi bena Izrayele to. Tutungunuke ne luendu too ne ku Ngibeya.

1 Samuele 10:26

Shawule kabidi kupingana kuende ku Ngibeya. Uvua ne tshisumbu tshia bantu bena mvita bavua Mvidi Mukulu mujule bua kuikalabu ne Shawule.

1 Samuele 10:5

Pashishe neuye ku Ngibeya-Elohime, muaba udi bamfumu ba bena Peleshete. Pawafika pabuipi ne tshimenga, neusambakene ne tshisumbu tshia bambi, bapueka ku muaba wa tshijila. Kumpala kuabu nekuikale bantu badi bimba lunzenze, bimba ngoma, bela nshiba, bimba ne lunkombe. Bambi abu, nebikale baja maja, bela mbila.

1 Samuele 13:11

Samuwele kumuebeja ne: — Tshiudi wenza muaba ewu ntshinyi? Shawule kuandamuna ne: — Ndi muenze nanku, bualu bena mvita bavua batuadija kunshiya, batangalaka. Wewe kuena mufike bu muuvua muambe to. Kabidi ndi mumanye ne: bena Peleshete mbadisangishe ku Mikmase.

1 Samuele 13:15

Samuwele kumuka mu Ngilgale, kuya luseke lukuabu. Bena mvita bavua bashale, kuyabu ne Shawule. Kumukabu ku Ngilgale kuyabu ku Ngibeya wa bena Binyamine, muaba uvua bena mvita bende bakuabu. Shawule kutentekela bena mvita bonsu, batshivuaye mushale nabu. Bavua bu nkama isambombu.

1 Samuele 13:16

Shawule kuasa mu Ngibeya wa bena Binyamine, ne muanende wa balume Yonatane, ne bena mvita bavuaye mushale nabu. Bena Peleshete bavua base mitanda yabu mu Mikmase.

1 Samuele 13:23

Tshisumbu tshia bena mvita ba bena Peleshete kuya kuela mualu wa mvita mu njila wa ku Mikmase.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 14:31

Dituku adi, bena Izrayele kuipata, balondakaja bena Peleshete biangatshile ku Mikmase too ne ku Ayalone. Bavua bapungila bikole.

1 Samuele 14:5

Lubuebue lua kumpala luvua ku mutu, lutangilangane ne Mikmase. Luibidi luvua kuinshi, lutangilangane ne Ngeba.

1 Samuele 14:52

Matuku onsu avua Shawule mushale mu bukalenga, uvua muluishe bena Peleshete bikole. Nanku misangu yonsu ivua Shawule upeta muntu wa dikima nansha wa mukitshi, uvua umuangata bua kuikalaye muena mvita wende.

1 Samuele 15:34

Samuwele kupingana ku Rama. Shawule kuya kuende ku Ngibeya.

1 Samuele 24:3

Kusungulaye bantu binunu bisatu, munkatshi mua bena mvita ba bena Izrayele. Kuyaye nabu, wenda ukeba Davide ne bantu bende, bavua basokome pabuipi ne lubuebue lua mbuji wa mpumbu.

1 Samuele 26:2

Ke Shawule kuya mu tshipela tshia Zife bua kukeba Davide. Uvua ne bena mvita ba bena Izrayele binunu bisatu, bavua bamanye mvita bikole.

1 Samuele 8:11

— Numanye ne: mukalenga washala mfumuenu neanukengeshe mushindu ewu: Munkatshi mua bana benu ba balume, neasungule bena mvita badi mua kuendesha matempu ende a mvita, badi mua kubanda pa nyama yende ya tubalu, nansha badi mua kunyema kumpala kua ditempu diende.