1 Samuele 13:18 - MUKANDA WA MYIDI MUKULU

¹⁸ Tshisumbu tshibidi kulonda njila wa ku Bete-Orone. Tshisumbu tshisatu kulonda njila udi ku mukalu udi ulonda tshibandabanda tshia Seboyime, luseke lua ku tshipela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ tshinga tshisumbu tshiakayila ku nshila wa ku Bete-holona, tshisumbu tshikuabo tshiakayila ku nshila wa ku mukalu wakatangila ku tshibanda tshia Seboyima ku luseke lua tshihela.

1 Samuele 13:18 ပူးပေါင်းရင်းမြစ်များ

Genese 10:19

Mukalu wa bena Kenaane uvua mutuadije ku Sidone too ne ku Ngerare pa buipi ne Ngaza. Mmutuadije kabidi ku Sodome ne Ngomore, too ne ku Adma ne Seboyime pabuipi ne Lesha.

Genese 14:2

kuluishabu bakalenga bakuabu batanu: ke Bera, mukalenga wa bena Sodome, Birsha, mukalenga wa bena Ngomore, Shinabe, mukalenga wa bena Adma, Shemebere, mukalenga wa bena Siboyime ne mukalenga wa bena Bela (badibu babikila ne bena Soware).

2 Kulondolola 8:5

Shelomu uvua muibakulule kabidi bimenga bia Bete-Orone wa ku mutu ne Bete-Orone wa kuinshi. Bimenga ebi bavua babibaka ne bimana bikole, kabidi ne biibi bikole bikanga ne milonda.

Nehemya 11:34

Adide, Seboyime, Nebalale,

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Yoshua 10:10

Maweja-Nangila kunyemesha bena Amore kumpala kua bena Izrayele. Bena Izrayele kushipela bena Amore bikole, pabuipi ne tshimenga tshia Ngibone. Bavua benda balondakaja bena Amore mu njila wa kubanda ku Bete-Orone, babipata too ne ku Azeka ne Makeda.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Yoshua 16:3

Pashishe udi upueka ku bena Yafleti luseke ludi diba dibuelela. Mukalu mumane kupitshila ku Bete-Orone wa kuinshi ne ku Ngezere, udi ushikidila ku Mayi manene a pankatshi pa matunga.

Yoshua 16:5

Bena tshisamba tshia Efrayime bavua bapeta buloba bilondeshile meku abu. Mukalu wa buloba abu uvua utuadija ku Atrote-Adare kuinshi mu ditunga luseke ludi diba dipatukila, uya too ne ku Bete-Orone wa ku mutu.

1 Samuele 14:15

Bena Peleshete bavua bashala mu mitanda, ne bena mutumba nabu bonsu, kutshinabu bena Izrayele bikole. Bena mvita bonsu ba bena Peleshete, ne bavuabu bateke bua kutentekela ditunga, ne bavua bamanye mvita bikole, kutshina bikole, buloba mene kuzakala. Ke bena Peleshete bonsu kupapuka, bikale ne bowa bunene.