1 Samuele 13:11 - MUKANDA WA MYIDI MUKULU

¹¹ Samuwele kumuebeja ne: — Tshiudi wenza muaba ewu ntshinyi? Shawule kuandamuna ne: — Ndi muenze nanku, bualu bena mvita bavua batuadija kunshiya, batangalaka. Wewe kuena mufike bu muuvua muambe to. Kabidi ndi mumanye ne: bena Peleshete mbadisangishe ku Mikmase.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Samuele wakamba ne, Wewe wakuenza tshinyi? Shaula ne, Bualu bua nakatangila bantu babanga kummuangalala, ne wewe kuakulua mu dituku dituakasungula, ne Bena Peleshete hakamana kudisangisha ku Mikemasha;

1 Samuele 13:11 ပူးပေါင်းရင်းမြစ်များ

Genese 3:13

Maweja-Nangila Mvidi Mukulu kuebeja mukaji ne: — Tshiwenzedi nanku ntshinyi? Mukaji kuandamuna ne: — Nyoka mmundinge, meme panyi kudia tshimuma.

Genese 4:10

Maweja-Nangila kuebeja ne: — Udi muenze nanku bua tshinyi? Muadi wa mashi a muanenu wafiki kundi ufumina pa buloba.

2 Samuele 3:24

Ke Yowabe kuya kudi mukalenga Davide, umukonka ne: — Udi muenze nenku bua tshinyi? Abnere mumane kufika, wewe kumulekela kuyaye!

2 Bakalenga 5:25

Ngeyazi kupingana muaba uvua mfumuende Elisha. Elisha kumukonka ne: — Ngeyazi, udi ufuma penyi? Ngeyazi kuandamuna ne: — Mfumuanyi, tshivua muye ku muaba to.

Yeshaya 10:28

bafika pabuipi ne tshimenga tshia Ayate, bapitshila mu Migrone, bashiya mabuki abu mu Mikmase.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.

1 Samuele 13:12

Mvua muele meji ne: Bena Peleshete nebafike mu Ngilgale bua kutuluisha, katuyi banji kulambula mulambu bua Maweja-Nangila atuambuluishe. Ke pandi mulambule mulambu wa kuosha meme nkayanyi.

1 Samuele 13:16

Shawule kuasa mu Ngibeya wa bena Binyamine, ne muanende wa balume Yonatane, ne bena mvita bavuaye mushale nabu. Bena Peleshete bavua base mitanda yabu mu Mikmase.

1 Samuele 13:2

Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

1 Samuele 13:23

Tshisumbu tshia bena mvita ba bena Peleshete kuya kuela mualu wa mvita mu njila wa ku Mikmase.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 14:5

Lubuebue lua kumpala luvua ku mutu, lutangilangane ne Mikmase. Luibidi luvua kuinshi, lutangilangane ne Ngeba.