1 Samuele 12:9 - MUKANDA WA MYIDI MUKULU

⁹ Kadi bankambua benu bakupua Maweja-Nangila Mvidi Mukulu wabu muoyi. Nanku, Maweja-Nangila kuitaba bua baluishe bena Izrayele, babatshimune kudi Sisra, mulombodi wa bena mvita ba Ashore, kudi bena Peleshete ne kudi mukalenga wa bena Mowabe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi bobo bakahua Yehowa, Nzambi wabo, muoyo ne yeye wakabahana mu bianza bia Sisela, kapitene ka masalayi a Hazô ne mu bianza bia Bena Peleshete ne mu bianza bia mukelenge wa Moaba: bobo bakabaluisha.

1 Samuele 12:9 ပူးပေါင်းရင်းမြစ်များ

2 Samuele 7:11

tshikondu tshimvua muteke balombodi bua baludike bantu banyi bena Izrayele. Wewe Davide, nenkusungile ku baluishi bebe bonsu. Nanku ndi nkumanyisha ne: meme Maweja-Nangila nenkushile nzubu.

Misambu 106:21

Kubengabu kuvuluka Mvidi Mukulu musungidi wabu, uvua mubenzele malu manene mu Ejipitu,

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Dielulula 32:18

“Eyowa, bena Izrayele, nudi balengulula Maweja-Nangila, mulami wenu uvua munupeteshe muoyi. Yeye ke udi munufikishe ku bantu.”

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.

Balombodi 10:7

Nanku Maweja-Nangila kufikila bena Izrayele munda. Kubafilaye mu bianza bia bena Peleshete ne bena Amone.

Balombodi 13:1

Bena Izrayele kuenza kabidi malu mabi avua Maweja-Nangila ubenga. Nanku Maweja-Nangila kubafila mu bianza bia bena Peleshete bidimu makumi anayi.

Balombodi 2:14

Maweja-Nangila kufikila bena Izrayele munda. Kavua ubambuluisha kabidi to. Ke muvua bena buenzayi biba bintu bia bena Izrayele bionsu. Maweja-Nangila kufila bena Izrayele mu bianza bia baluishi bavua nabu mutumba. Bena Izrayele kabavua ne mushindu wa kutuila baluishi babu nkanana to.

Balombodi 3:12

Bena Izrayele kuenza kabidi malu mabi avua Maweja-Nangila mubenga. Nanku Maweja-Nangila kubatumina Eglone, mukalenga wa bena Mowabe, bua abaluishe.

Balombodi 3:31

Mulombodi uvua ulonda Ekude, ke Shamgare, muana wa Anate. Kushipaye bena Peleshete nkama isambombu anu ne mutshi wa kusaka nawu ngombe, bua kusungidila bena Izrayele.

Balombodi 4:2

Maweja-Nangila kubafila mu bianza bia Yabine, mukalenga wa bena Kenaane, uvua musombele mu tshimenga tshia Ashore. Dina dia mfumu wa tshiluilu tshia Yabine divua Sisra, uvua musombele mu Aroshete-Ngoyime.

1 Samuele 12:15

Kadi panuikala kanuyi bamutumikila, bamutombokela, kanuyi bakumbaja mikenji yende, Maweja-Nangila neanuleje bukole buende, bu muvuaye muleje bankambua benu kale.