1 Samuele 12:22 - MUKANDA WA MYIDI MUKULU

²² Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.

Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.

1 Samuele 12:22 ပူးပေါင်းရင်းမြစ်များ

1 Bakalenga 6:13

Meme nensombe mu nzubu ewu munkatshi mua bantu banyi bena Izrayele kashidi. Tshiena mua kubalekela to.

1 Bakalenga 8:57

Mpindiewu, ndi ndomba Maweja-Nangila Mvidi Mukulu wetu, bua ikale netu bu nuwuaye ne bankambua betu. Maweja-Nangila, kutulekedi to. Ikale anu utuambuluisha.

2 Bakalenga 14:27

Kadi, bu muvua Maweja-Nangila kayi musue kubutula bena Izrayele, kubatuminaye Yerobowame, muana wa Yowashe, bua kubasungidila.

2 Bakalenga 21:14

Bantu bena Izrayele bikale bashale, tshiakuikala nabu ne bualu to. Nembafile ku bumfumu bua baluishi babu. Baluishi abu, nebapawule bintu bionsu bia bena ditunga diabu.

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Misambu 106:8

Kadi kubasungidilaye bua lumu luende. bua kulejaye bantu bukole buende.

Misambu 94:14

Maweja-Nangila kena ubenga bantu bende, kena ulekela bumpianyi buende.

Ekesode 32:12

bena Ejipitu mbafuane kuamba ne: Uvua mupatule bena Izrayele mu Ejipitu ne lonji, bua kubashipa, kubabutula pa mikuna. Nanku, ndi nkusengelela bua utuyishe tshiji tshiebe, kubabutudi to.

Yeshaya 37:35

Nendame Yerushalayime, nemmusungidile, bualu ndi Mvidi Mukulu, kabidi ndi munange muntu wanyi Davide.”

Yeshaya 41:17

Bapele ne bakengi, badi bakeba mayi, kabayi baapeta. Nyota idi ibumisha muminu. Kadi meme Maweja-Nangila, ndi ngitaba ku dilomba diabu. Meme Maweja-Nangila wa bena Izrayele, tshiena mbalekela to.

Yeshaya 42:16

Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Yeshaya 43:7

Nufike ne bonsu badibu binyike dina dianyi, bonsu bandi mufuke, bonsu bandi musonge, bandi muenze, bualu bobu badi baleja butumbi buanyi.”

Yeshaya 48:11

Pandi muenze nanku, bidi amu bua lumu luanyi, eyowa, amu bua lumu luanyi. Bualu tshiena musue bua bapepeje dina dianyi. Tshiena musue bua bantu bakuabu bangate lumu ludi luanyi meme.

Yeshaya 49:15

Kadi Maweja-Nangila udi wandamuna ne: Mukaji udi mua kupua muana udiye wamusha mabele muoyi anyi? Udi mua kubenga kunanga muana uvuaye muambule mu difu diende anyi? Bushuwa, misangu mikuabu udi mua kumupua muoyi, kadi meme tshiena nkupua muoyi to.

Yeshaya 63:8

Maweja-Nangila uvua muambe ne: “Bena Izrayele mbantu banyi, mbana banyi, badi kabayi mua kundinga to.” Nanku Mvidi Mukulu kubasungidila.

Yirmeya 14:21

Kadi, vulukabiuvua mutulaye. Bua lumu lua dina diebe, kupepeji Yerushalayime, tshimenga tshidi ne nkuasa webe wa butumbi.

Yirmeya 14:7

Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Yirmeya 14:9

Udi udileja bu muntu, udi kayi mua kutuambuluisha, bu muena bukitu udi mupange bukole bua kusungidila bakuabu, bua tshinyi? Eku wewe Maweja-Nangila udi munkatshi muetu. Tudi bantu bebe. Kutulekedi nansha.

Muadi 5:20

Neutupue muoyi, neutubenge matuku onsu atutshidi ne muoyi panu anyi?

Yezekiyele 20:14

Kadi tshiena muenze nanku to, bualu bantu bavua bammone mpatula bena Izrayele mu tshipela, bavua mua kumpepeja.

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Matayi 11:26

Eyowa, Tatu, ke muuvua musue ne: bienzeke nanku.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Rome 11:1

Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

1 Korente 4:7

Kadi muudi mua kuditemba bu udi mupite bakuabu mmunyi? Bionsu biudi nabi, kuena mubipete kudi Mvidi Mukulu anyi? Kadi muudi mua kuditemba bua bionsu abi, bu muntu udi mudipetelebi mmunyi?

Efeze 1:12

Nanku tutumbishayi Mvidi Mukulu bua buneme buende, bualu tuetu ke bavua badianza kutekemena kudi Kristu!

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Dielulula 14:2

Nudi tshisamba tshia tshijila tshia Maweja-Nangila Mvidi Mukulu wenu. Nuenu ke badiye musungule munkatshi mua bisamba bikuabu bidi pa buloba, bua nuikale tshisamba tshiende menemene.

Dielulula 31:17

Nanku nembafikile munda, mbalekela, bua babakengeshe bikole kudi bisamba bikuabu. Nebajadike mudi makenga aa abenzekela, bualu meme Mvidi Mukulu tshiena kabidi munkatshi muabu.

Dielulula 31:6

Koleshayi muoyi, kankamanayi, kanutshinyi bena ditunga adi to. Bualu Maweja-Nangila Mvidi Mukulu wenu udi munkatshi muenu. Kakunulekela to.

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

Dielulula 9:5

Nanku Maweja-Nangila kena unupa ditunga edi bua buakane buenu to. Neipate bantu aba, bualu mbena buenzayi. Udi musue kabidi kukumbaja bionsu bivuaye mulaye bankambua benu, Abrahame, Izake ne Yakobe.

Filipe 1:6

Mvidi Mukulu uvua mutuadije mudimu muimpe awu munkatshi muenu, ndi mujadike ne: neatungunuke nawu too ne muajikawu, dituku diafika Yezu Kristu.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.