1 Samuele 12:21 - MUKANDA WA MYIDI MUKULU

²¹ Kanukebi bua kuenzela mvidie ya tshianana mudimu. Bualu kayena ne bukole bua kunuambuluisha, nansha bua kusungila muntu. Idi amu mvidie ya dishima.

Mukanda wa Nzambi Dihungila Dikulukulu ne Dihungila Dihia-dihia 2003

²¹ kanusesuki mu nshila mukuabo: binuenza nunku nenulonde bintu bia tshianana bidi kabiyi bimanye mua kunukuatshisha ne kunusungila, bualu bua bidi bia hatuhu.

1 Samuele 12:21 ပူးပေါင်းရင်းမြစ်များ

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

Yeshaya 41:29

Bonsu buabu badi tshianana. Bidibu benza bidi patupu. Mvidie yabu idi lupepele, kayiyi ne bukole nansha bukese.

Yeshaya 45:20

Nuenu bena matunga makuabu, bavuabu kabayi bashipe, semenayi, nudisangishe, nusemene popamue. Bonsu bavua bafike ne mpingu yabu ya mitshi, nansha badi batendelela mvidie udi kayi mua kubasungidila, kabena ne lungenyi to.

Yeshaya 46:7

Pashishe badi bambula mvidie wabu pa makaya abu, baya kumuteka pa muaba wende. Mvidie udi ushalapu, kayi unyunga. Nansha bobu bamubikila, kakuandamuna to. Kena usungidila muntu udi mu dikenga. Lupandu kaluena kule to

Yirmeya 10:15

Mpingu ayi idi bu lupepele. Bantu mbenze mudimu wa tshidimudimu patupu. Yonsu neyijimine, padi Maweja-Nangila ulumbuluisha bantu.

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yona 2:8

Nansha pamvua nkeba kufua, mvua amu nkuvuluka, Maweja-Nangila wanyi. Mitendelelu yanyi mmifike kuudi, ku nzubu webe wa tshijila.

Yona 2:9

Badi batendelela nwidie ya dishima, kabena mua kupanda to.

Abakuke 2:18

Mpingu inudi badienzele bua kutendelela nwidie, neyinuambuluishe ku tshinyi? Idi amu bintu binudi nusonga, nansha nufula, kabiyi biakula, bidinga bantu. Mudibi mua kunuambuluisha mbishi?

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

1 Korente 8:4

Nuvua bangebeje ne: tudi mua kudia minyinyi ivuabu balambule mvidie anyi? Tudi bamanye bimpe ne: mvidie mikuabu kayenaku to. Mvidi Mukulu udi amu umue.

Dielulula 11:16

Nanku dimukayi, kanupambuki, kanushiyi njila mululame. Kanutendeledi mvidie mikuabu to.

Dielulula 30:17

Kadi panuabenga kutumikila Maweja-Nangila, panuikala basue kutendelela mvidie, kuyenzela mudimu,

Dielulula 32:21

Bena Izrayele mbamfikishe munda, bajule tshiiji tshianyi, bualu neatendelele mvidie ya dishima. Nanku meme nembasongakaje ne tshisamba tshia bantu, tshidi katshiyi tshisamba mene. Nenjule tshiiji tshiabu, ne bantu badi kabayi ne lungenyi.