1 Samuele 12:2 - MUKANDA WA MYIDI MUKULU

² Mpindiewu yeye neandombole. Meme ndi mumane kukola mukalakaje. — Bana banyi ba balume mbamane kukola, munudi amu. — Meme ndi munulombola biangatshile ku buana buanyi too ne mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

² Katataka monai, mukelenge udi wenda ku mpala kuenu, ne meme ndi muntu mununu, nsuki yanyi idi mitoke tô; bana banyi balume badi nʼenu; meme nakuenda ku mpala kuenu ku buana buanyi tô ne ku dituku edi.

1 Samuele 12:2 ပူးပေါင်းရင်းမြစ်များ

Misambu 71:18

Mvidi Mukulu wanyi, nkadi ne nsuki mitoke, kadi kundekedi. Nanku nemmone mua kumanyisha bana banyi ne biikulu banyi, muudi ne bukole, wenza malu a dikema.

Dibadika 27:17

udi mua kubalombola miaba yonsu, bua bantu bebe kabikadi bu mikoku idi kayiyi ne muyilami.

2 Timote 4:6

Diba dianyi dia kumfilabu bu mulambu diakukumbana. Tshikondu tshia meme kufua tshiafiki.

Yoshua 23:1

Matuku a bungi awa apita, pavua Maweja-Nangila mumane kupesha bena Izrayele ditalala, mubasungidile kudi baluishi babu bavua nabu mutumba. Yoshuwa ukavua mumane kukola mukulakaje.

Yoshua 23:2

Nanku kubikidishaye bena Izrayele bonsu, too ne bakulu babu, bamfumu babu, balumbuluishi babu, ne balombodi ba bena mvita babu. Kubambilaye ne: — Meme ndi mumane kukulakaja mupue.

2 Petro 1:14

Ndi mumanye ne: nkadi pa kushiya mubidi udi ufua ewu. Mfumu wetu Yezu Kristu mmummanyishe nanku.

1 Samuele 2:22

Mutuangaji Eli uvua mumane kukola mukulakaje. Bavua bamuambila muvua bana bende benzela bena Izrayele bibi, kabidi muvuabu babuelela bakaji mu nzubu. Bakaji abu ke bavua benza mudimu mu mushiku wa ntenta wa kusambakena.

1 Samuele 2:29

Kadi kanuena nunemeka milambu ya nyama ne ya bintu bia mu madimi, imvua mutuma diyi bua kulambula muaba wa tshijila bua tshinyi? Munyinyi muimpe wa mafuta, udi bantu banyi bena Izrayele bandambula, nudi nuangata bua nuenu kudia, kudiunda bua tshinyi? Wewe Eli, udi unemeka bana bebe ba balume, kuyi unnemeka meme kumpala, bipite bua tshinyi.

1 Samuele 3:10

Maweja-Nangila kufika, kuimana kabidi muaba awu bu misangu mikuabu. Kubikilaye ne: “Samuwele, Samuwele”! Muana kuitaba ne: — Ke meme muntu webe ewu ndi muteleja, ngambilaku.

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.

1 Samuele 3:16

Ke Eli kumubikila, wamba ne: — Muananyi Samuwele! Samuwele kuitaba ne: — Eyowa, mfumuanyi.

1 Samuele 8:1

Samuwele mumane kukulakaja, kutekaye bana bende ba balume mu bumfumu, bua kulombolabu bena Izrayele.

1 Samuele 8:20

bua tuikale bu mudi bena bisamba bikuabu bionsu. Tudi basue mukalenga bua ikale ukosa nsambu yetu, wenda kumpala kua bena mvita betu, utuluila mvita.

1 Samuele 8:3

Kadi bana abu, kabawa balonda tshilejilu tshia tatuabu Samuwele to. Bavua ne lukuka lua biuma, bangata mabuejila, bakose bilumbu bia bantu bibi.

1 Samuele 8:5

bamuambila ne: — Wewe Samuwele udi mumane kukulakaja, kadi bana bebe ba balume kabena balonda tshilejilu tshiebe to. Nanku, utupeshe mukalenga udi mua kushala mfumuetu, anu bu mudi bantu ba bisamba bikuabu ne muntu udi ubalombola kashidi.