1 Samuele 12:15 - MUKANDA WA MYIDI MUKULU

¹⁵ Kadi panuikala kanuyi bamutumikila, bamutombokela, kanuyi bakumbaja mikenji yende, Maweja-Nangila neanuleje bukole buende, bu muvuaye muleje bankambua benu kale.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ kadi binuikala kanuyi nutumikila dî dia Yehowa, binuahidia mikenji ya Yehowa, nunku tshianza tshia Yehowa netshikale kunudi bu muakaditshi kudi bankambua benu.

1 Samuele 12:15 ပူးပေါင်းရင်းမြစ်များ

2 Kulondolola 15:2

Kuyaye kumonangana ne Asa bua kumuambila ne: — Mukalenga Asa ne nuenu bonsu bena Yuda, ne bena Binyamine, nunteleje! Maweja-Nangila neikale nenu anu panuikala bamuitabe. Nuenu bamukebe, nenumupete. Nuenu bamubenge, yeye kabidi neanubenge.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Yeshaya 3:11

Bantu babi mbena diakabi. Nebabenzele muvuabu benzela bantu nabu.

Muadi 1:18

Maweja-Nangila mmuenze amu bimpe, bualu mvua mubenge kuitaba ku meyi ende. Nuenu bonsu badi apa, telejayi bimpe, tangilayi dikenga dianyi: nsongakaji yanyi ne nsongalume yanyi idi iya mu bupika.

Dielulula 31:27

Meme Moshe ndi mumanye ne: bena Izrayele badi ne tshitunu, badi bonsu bantomboji. Mpindiewu pantshidi ne muoyi munkatshi muabu, bakabenga Maweja-Nangila. Kadi pambafua, nebamubenge bikole.

Yoshua 24:20

Nuenu babenge Maweja-Nangila, nuenu batendelele mvidie ya bantu benyi, Maweja-Nangila neanuluishe. Neanukengeshe, anubutule, nansha yeye mumane kunuenzela malu mimpe a bungi.

Balombodi 2:15

Misangu yonsu ivua bena Izrayele baya mu mvita, Maweja-Nangila kubapangisha bukole, bu muvuaye mumane kuamba, kabidi muditshipe. Bena Izrayele, dikenga kubapita bunene.

1 Samuele 12:9

Kadi bankambua benu bakupua Maweja-Nangila Mvidi Mukulu wabu muoyi. Nanku, Maweja-Nangila kuitaba bua baluishe bena Izrayele, babatshimune kudi Sisra, mulombodi wa bena mvita ba Ashore, kudi bena Peleshete ne kudi mukalenga wa bena Mowabe.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.